na jawab achchha hai ai dil na sawal achchha hai

na javāb achchhā hai ai dil na savāl achchhā hai

bas vo jis haal meñ rakkhe vahī haal achchhā hai

kaun sā rang hai jo us pe nahīñ phabtā hai

kyūñki har rang meñ vo rang-e-jamāl achchhā hai

jis taraf uThtī haiñ dīvāna banā detī haiñ

aap kī nazroñ meñ sāhab ye kamāl achchhā hai

aap ko dekh ke bīmār shifā pā.egā

aap aa jaa.eñ to bīmār kā haal achchhā hai

merī qismat kī lakīroñ ko badal kar mujh se

vo abhī kah ke ga.e haiñ ki ye saal achchhā hai

ishq kī raah ye maanā ki hai dushvār 'nasīm'

is haqīqat ko samajh is kā ma.aal achchhā hai

na jawab achchha hai ai dil na sawal achchha hai

bas wo jis haal mein rakkhe wahi haal achchha hai

kaun sa rang hai jo us pe nahin phabta hai

kyunki har rang mein wo rang-e-jamal achchha hai

jis taraf uThti hain diwana bana deti hain

aap ki nazron mein sahab ye kamal achchha hai

aap ko dekh ke bimar shifa paega

aap aa jaen to bimar ka haal achchha hai

meri qismat ki lakiron ko badal kar mujh se

wo abhi kah ke gae hain ki ye sal achchha hai

ishq ki rah ye mana ki hai dushwar 'nasim'

is haqiqat ko samajh is ka maal achchha hai