na kah ki be-asar anfas-e-sard hote hain

na kah ki be-asar anfās-e-sard hote haiñ

mujhī se kyā koī sab ahl-e-dard hote haiñ

havas hai ishq kī ahl-e-havā ko ham to miyāñ

sune se naam mohabbat kā zard hote haiñ

matā-e-qahba-e-duniyā pe kar na chashm-e-siyāh

ki māl-e-zan nahīñ khāte jo mard hote haiñ

ye lat tujhī ko hai pyāre vagarna kyā koī

jo ḳhūb-rū haiñ vo sab kūcha-gard hote haiñ

muhīt-e-vasl ko pahuñche haiñ vo koī 'qā.em'

jo tarah sail ke sahrā-navard hote haiñ

na kah ki be-asar anfas-e-sard hote hain

mujhi se kya koi sab ahl-e-dard hote hain

hawas hai ishq ki ahl-e-hawa ko hum to miyan

sune se nam mohabbat ka zard hote hain

mata-e-qahba-e-duniya pe kar na chashm-e-siyah

ki mal-e-zan nahin khate jo mard hote hain

ye lat tujhi ko hai pyare wagarna kya koi

jo KHub-ru hain wo sab kucha-gard hote hain

muhit-e-wasl ko pahunche hain wo koi 'qaem'

jo tarah sail ke sahra-naward hote hain