na kaho ilaj kiya nahin

na kaho 'ilāj kiyā nahīñ

rahā fā.eda so huā nahīñ

mujhe sirf is kī sazā milī

ki maiñ be-gunāh lagā nahīñ

yahī shukr hai mirā faisla

kisī aur din pe Talā nahīñ

use yaar kahiye to kis tarah

jo thā ghar meñ aur milā nahīñ

jo sunā vo sunñe kā Dhoñg thā

jo kahā vo yaad rahā nahīñ

mire naam laakh shikār hoñ

pa ye jaal maiñ ne bunā nahīñ

bilā-vaj.h āfateñ mol liiñ

kahīñ daur jaane kā thā nahīñ

na kaho 'ilaj kiya nahin

raha faeda so hua nahin

mujhe sirf is ki saza mili

ki main be-gunah laga nahin

yahi shukr hai mera faisla

kisi aur din pe Tala nahin

use yar kahiye to kis tarah

jo tha ghar mein aur mila nahin

jo suna wo sunne ka Dhong tha

jo kaha wo yaad raha nahin

mere nam lakh shikar hon

pa ye jal main ne buna nahin

bila-wajh aafaten mol lin

kahin daur jaane ka tha nahin