na KHun-e-dil hai na mai ka KHumar aankhon mein

na ḳhūn-e-dil hai na mai kā ḳhumār āñkhoñ meñ

basī huī hai tumhārī bahār āñkhoñ meñ

phirī haiñ putliyāñ begāna-vār āñkhoñ meñ

chhupā huā hai koī parda-dār āñkhoñ meñ

ummīd-e-jalva-e-dīdār bād-e-marg kahāñ

bharī hai yaas ne ḳhāk-e-mazār āñkhoñ meñ

diye baġhair tire baaġh meñ guloñ ne daaġh

chubho.e nargis-e-shahlā ne ḳhaar āñkhoñ meñ

ilāhī dīda-e-hairāñ khulā na rah jaa.e

Thahar na jaa.e kahīñ intizār āñkhoñ meñ

vo rone vaalā huuñ 'shola' ki bād-e-marg mirā

banā.eñ mardum-e-dīda-e-mazār āñkhoñ meñ

na KHun-e-dil hai na mai ka KHumar aankhon mein

basi hui hai tumhaari bahaar aankhon mein

phiri hain putliyan begana-war aankhon mein

chhupa hua hai koi parda-dar aankhon mein

ummid-e-jalwa-e-didar baad-e-marg kahan

bhari hai yas ne KHak-e-mazar aankhon mein

diye baghair tere bagh mein gulon ne dagh

chubhoe nargis-e-shahla ne KHar aankhon mein

ilahi dida-e-hairan khula na rah jae

Thahar na jae kahin intizar aankhon mein

wo rone wala hun 'shola' ki baad-e-marg mera

banaen mardum-e-dida-e-mazar aankhon mein