na koi fal nikali na istiKhaara kiya

na koī faal nikālī na istiḳhāra kiyā

bas ek sub.h yūñhī ḳhalq se kināra kiyā

nikal paḌeñge gharoñ se tamām sayyāre

agar zamīn ne halkā sā ik ishāra kiyā

jo dil ke taaq meñ tū ne charāġh rakkhā thā

na pūchh maiñ ne use kis tarah sitāra kiyā

parā.ī aag ko ghar meñ uThā ke le aayā

ye kaam dil ne baġhair ujrat o ḳhasāra kiyā

ajab hai tū ki tujhe hijr bhī garāñ guzrā

aur ek ham ki tirā vasl bhī gavāra kiyā

hamesha haath rahā hai 'jamāl' āñkhoñ par

kabhī ḳhayāl kabhī ḳhvāb par guzāra kiyā

na koi fal nikali na istiKHara kiya

bas ek subh yunhi KHalq se kinara kiya

nikal paDenge gharon se tamam sayyare

agar zamin ne halka sa ek ishaara kiya

jo dil ke taq mein tu ne charagh rakkha tha

na puchh main ne use kis tarah sitara kiya

parai aag ko ghar mein uTha ke le aaya

ye kaam dil ne baghair ujrat o KHasara kiya

ajab hai tu ki tujhe hijr bhi garan guzra

aur ek hum ki tera wasl bhi gawara kiya

hamesha hath raha hai 'jamal' aankhon par

kabhi KHayal kabhi KHwab par guzara kiya