na koi KHwab hoga aur na KHwabon ka jahan hoga

na koī ḳhvāb hogā aur na ḳhvāboñ kā jahāñ hogā

koī dil meñ nahīñ hogā to dil ḳhālī makāñ hogā

bahut hī soch kar tū kashtī-e-umr-e-ravāñ ko Daal

muqābil meñ talātum-ḳhez bahr-e-be-karāñ hogā

nahīñ hai duur vo manzar jise dekhegā ye aalam

musalmāñ ik taraf aur ik taraf saarā jahāñ hogā

ye daur-e-pur-fitan hai bojh apnā ḳhud uThāo tum

tumhārā dard bāñTegā na koī mehrbāñ hogā

ra.īsoñ aur luTeroñ kā zamāna hai ġharībo tum

kabhī mat sochnā tum par zamāna mehrbāñ hogā

chaTTānoñ kī tarah maiñ azm rakhtā huuñ 'latīf' ab ke

mujhe mālūm hai har ik qadam par imtihāñ hogā

na koi KHwab hoga aur na KHwabon ka jahan hoga

koi dil mein nahin hoga to dil KHali makan hoga

bahut hi soch kar tu kashti-e-umr-e-rawan ko Dal

muqabil mein talatum-KHez bahr-e-be-karan hoga

nahin hai dur wo manzar jise dekhega ye aalam

musalman ek taraf aur ek taraf sara jahan hoga

ye daur-e-pur-fitan hai bojh apna KHud uThao tum

tumhaara dard banTega na koi mehrban hoga

raison aur luTeron ka zamana hai gharibo tum

kabhi mat sochna tum par zamana mehrban hoga

chaTTanon ki tarah main azm rakhta hun 'latif' ab ke

mujhe malum hai har ek qadam par imtihan hoga