na koi monis-o-hamdam na koi yawar tha

Sajid Khairabadi

na koi monis-o-hamdam na koi yawar tha

Sajid Khairabadi

MORE BYSajid Khairabadi

    na koī monis-o-hamdam na koī yāvar thā

    rafīq-e-ġham jo mirā thā to qalb-e-muztar thā

    kisī ke husn-e-fusūñ-gar meñ ye bhī jauhar thā

    ki ab vo mom huā hai kabhī jo patthar thā

    tumhāre ishq ne fikr-o-nazar ko vus.at

    rah-e-hayāt meñ chalnā to varna dūbhar thā

    abas ḳhulūs-o-muravvat ko tum ne chhoḌ diyā

    urūs-e-zīst logo yahī to zevar thā

    ye taaj tāj-mahal ishq badaulat hai

    vagarna ye to faqat qasr-e-sang-e-marmar thā

    tumhārā naam merā rafīq-e-jāñ Thahrā

    tumhārā ġham mirī zindagī mehvar thā

    isī sabab to maiñ kal shab huā thā nam-dīda

    mirī nazar meñ tirī ruḳhsatī manzar thā

    nigāh-e-ahl-e-ḳhirad meñ na jis qīmat thī

    nigāh-e-ahl-e-junūñ meñ vo sab se behtar thā

    mujhe bhī manzil-e-maqsūd mil ga.ī 'sājid'

    har ik qadam pe mirā azm merā rahbar thā

    na koi monis-o-hamdam na koi yawar tha

    rafiq-e-gham jo mera tha to qalb-e-muztar tha

    kisi ke husn-e-fusun-gar mein ye bhi jauhar tha

    ki ab wo mom hua hai kabhi jo patthar tha

    tumhaare ishq ne fikr-o-nazar ko wusat di

    rah-e-hayat mein chalna to warna dubhar tha

    abas KHulus-o-murawwat ko tum ne chhoD diya

    urus-e-zist ka logo yahi to zewar tha

    ye taj taj-mahal ishq ki badaulat hai

    wagarna ye to faqat qasr-e-sang-e-marmar tha

    tumhaara nam hi mera rafiq-e-jaan Thahra

    tumhaara gham hi meri zindagi ka mehwar tha

    isi sabab to main kal shab hua tha nam-dida

    meri nazar mein teri ruKHsati ka manzar tha

    nigah-e-ahl-e-KHirad mein na jis ki qimat thi

    nigah-e-ahl-e-junun mein wo sab se behtar tha

    mujhe bhi manzil-e-maqsud mil gai 'sajid'

    har ek qadam pe mera azm mera rahbar tha

    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY

    Jashn-e-Rekhta | 2-3-4 December 2022 - Major Dhyan Chand National Stadium, Near India Gate, New Delhi

    GET YOUR FREE PASS
    Speak Now