aaj ik aur baras biit gayā us ke baġhair

jis ke hote hue hote the zamāne mere

CANCEL DOWNLOAD SHER

na koi tir na koi kaman baqi hai

Naz Qadri

na koi tir na koi kaman baqi hai

Naz Qadri

MORE BYNaz Qadri

    na koī tiir na koī kamān baaqī hai

    magar vo ik nigah-e-mehrbān baaqī hai

    uḌā ke le ga.iiñ hijrat āñdhiyāñ sab kuchh

    bas apne sar pe khulā āsmān baaqī hai

    ik aur tiir chalā apnā ahd puurā kar

    abhī parinde meñ thoḌī jaan baaqī hai

    fazā meñ guuñj rahī hai sadā-e-mazlūmāñ

    zabāñ ḳhamosh hai lekin bayān baaqī hai

    miTā sakā na kabhī vaqt ġhubār use

    fasīl-e-shab pe lahū nishān baaqī hai

    hamāre shahr pe vīrāniyāñ musallat haiñ

    makīñ to koī nahīñ hai makān baaqī hai

    nafas nafas hai vahī āzmā.ishoñ safar

    qadam qadam pe vahī imtihān baaqī hai

    masal ye sach hai ki rassī ke bal nahīñ jaate

    ukhaḌ chukī hai havā ān-bān baaqī hai

    atā huī hai hameñ aisī jur.at-e-parvāz

    ki par shikasta haiñ lekin uḌaan baaqī hai

    kisī kināre lagā degī mehrbān havā

    shikasta naav sahī bādbān baaqī hai

    duā ke haath bhī shal ho ga.e magar ai 'nāz'

    vahī zamīn vahī āsmān baaqī hai

    na koi tir na koi kaman baqi hai

    magar wo ek nigah-e-mehrban baqi hai

    uDa ke le gain hijrat ki aandhiyan sab kuchh

    bas apne sar pe khula aasman baqi hai

    ek aur tir chala apna ahd pura kar

    abhi parinde mein thoDi si jaan baqi hai

    faza mein gunj rahi hai sada-e-mazluman

    zaban KHamosh hai lekin bayan baqi hai

    miTa saka na kabhi waqt ka ghubar use

    fasil-e-shab pe lahu ka nishan baqi hai

    hamare shahr pe viraniyan musallat hain

    makin to koi nahin hai makan baqi hai

    nafas nafas hai wahi aazmaishon ka safar

    qadam qadam pe wahi imtihan baqi hai

    masal ye sach hai ki rassi ke bal nahin jate

    ukhaD chuki hai hawa aan-ban baqi hai

    ata hui hai hamein aisi jurat-e-parwaz

    ki par shikasta hain lekin uDan baqi hai

    kisi kinare laga degi mehrban hawa

    shikasta naw sahi baadban baqi hai

    dua ke hath bhi shal ho gae magar ai 'naz'

    wahi zamin wahi aasman baqi hai

    Source:

    Lamhon Ki Sada (Pg. 75)

    • Author: Naaz Qadri
      • Edition: 1997
      • Publisher: Maktaba Sadaf, Muzaffarpur
      • Year of Publication: 1997
    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY

    Jashn-e-Rekhta | 8-9-10 December 2023 - Major Dhyan Chand National Stadium, Near India Gate - New Delhi

    GET YOUR PASS
    Speak Now