na lazzaten hain wo hansne mein aur na rone mein

na lazzateñ haiñ vo hañsne meñ aur na rone meñ

jo kuchh mazā hai tire saath mil ke sone meñ

palañg pe sej bichhātā huuñ muddatoñ se jaan

kabhī tū aan ke so jā mire bichhaune meñ

masak ga.ī hai vo añgiyā jo tañg bañdhne se

to kyā bahār hai kāfir ke chaak hone meñ

kahā maiñ us se ki ik baat mujh ko kahnī hai

kahūñ maiñ jab ki chalo mere saath kone meñ

ye baat sunte hī jī meñ samajh ga.ī kāfir

ki terā dil hai kuchh ab aur baat hone meñ

ye sun ke bolī ki hai hai ye kyā kahā tū ne

paḌā hai kyuuñ mujhe duniyā se ab tū khone meñ

to būḌhā marduvā aur bārahvāñ baras mujh ko

maiñ kis tarah se chalūñ tere saath kone meñ

'nazīr' ek vo ayyār surtī hai kāfir

kabhī na āvegī vo tere jādū-Tone meñ

na lazzaten hain wo hansne mein aur na rone mein

jo kuchh maza hai tere sath mil ke sone mein

palang pe sej bichhata hun muddaton se jaan

kabhi tu aan ke so ja mere bichhaune mein

masak gai hai wo angiya jo tang bandhne se

to kya bahaar hai kafir ke chaak hone mein

kaha main us se ki ek baat mujh ko kahni hai

kahun main jab ki chalo mere sath kone mein

ye baat sunte hi ji mein samajh gai kafir

ki tera dil hai kuchh ab aur baat hone mein

ye sun ke boli ki hai hai ye kya kaha tu ne

paDa hai kyun mujhe duniya se ab tu khone mein

to buDha marduwa aur barahwan baras mujh ko

main kis tarah se chalun tere sath kone mein

'nazir' ek wo ayyar surti hai kafir

kabhi na aawegi wo tere jadu-Tone mein