na manzil hai na manzil ka nishan hai

na manzil hai na manzil kā nishāñ hai

hamārā kārvāñ phir bhī ravāñ hai

usī Daalī pe apnā āshiyāñ hai

taḌaptī jis jagah barq-e-tapāñ hai

huī haiñ kārgar ġhairoñ kī chāleñ

tire lab par nahīñ hai ab na haañ hai

rahe sayyād har dam jis chaman meñ

vahāñ ġham kī hikāyat jāvedāñ hai

surūr-o-naġhma haiñ ab kal kī bāteñ

yahāñ to ab faqat āh-o-fuġhāñ hai

unheñ kyuuñ rañj ho jaur-o-sitam par

sitamrānī to ḳhū-e-mahveshāñ hai

nahīñ insāñ kī qīmat koī 'rif.at'

purāne daur kī baat ab kahāñ hai

na manzil hai na manzil ka nishan hai

hamara karwan phir bhi rawan hai

usi Dali pe apna aashiyan hai

taDapti jis jagah barq-e-tapan hai

hui hain kargar ghairon ki chaalen

tere lab par nahin hai ab na han hai

rahe sayyaad har dam jis chaman mein

wahan gham ki hikayat jawedan hai

surur-o-naghma hain ab kal ki baaten

yahan to ab faqat aah-o-fughan hai

unhen kyun ranj ho jaur-o-sitam par

sitamrani to KHu-e-mahweshan hai

nahin insan ki qimat koi 'rifat'

purane daur ki baat ab kahan hai