na maslahat na takalluf na inkisar ka hai

na maslahat na takalluf na inkisār kā hai

savāl TūTte rishtoñ ke e'tibār kā hai

uThā le haath meñ patthar agar sune koī

ajiib haal mire zehn kī pukār kā hai

had-e-nigāh se aage bhī manzileñ haiñ bahut

mirā irāda ġham-e-zāt se farār kā hai

sabhī chale ga.e ghar chhoḌ kar to kyā hogā

bachā.e shahr ko ye kaam shahryār kā hai

zarā haTe to paḌhūñ maiñ bhī vaqt kā chehra

nazar ke sāmne parda abhī ġhubār kā hai

faroġh kaise milā nafratoñ ko jab ki yahāñ

har ek aadmī ummīd-vār pyaar kā hai

ajiib chiiz hai ye arsa-e-tamannā bhī

jise bhī dekhiye qaidī isī hisār kā hai

na maslahat na takalluf na inkisar ka hai

sawal TuTte rishton ke e'tibar ka hai

uTha le hath mein patthar agar sune koi

ajib haal mere zehn ki pukar ka hai

had-e-nigah se aage bhi manzilen hain bahut

mera irada gham-e-zat se farar ka hai

sabhi chale gae ghar chhoD kar to kya hoga

bachae shahr ko ye kaam shahryar ka hai

zara haTe to paDhun main bhi waqt ka chehra

nazar ke samne parda abhi ghubar ka hai

farogh kaise mila nafraton ko jab ki yahan

har ek aadmi ummid-war pyar ka hai

ajib chiz hai ye arsa-e-tamanna bhi

jise bhi dekhiye qaidi isi hisar ka hai