na mehrab-e-haram samjhe na jaane taq-e-but-KHana

Bedam Shah Warsi

na mehrab-e-haram samjhe na jaane taq-e-but-KHana

Bedam Shah Warsi

MORE BY Bedam Shah Warsi

    na mehrāb-e-haram samjhe na jaane tāq-e-but-ḳhāna

    jahāñ dekhī tajallī ho gayā qurbān parvāna

    dil-e-āzād ko vahshat ne baḳhshā hai vo kāshāna

    ki ik dar jānib-e-ka.aba hai ik dar sū-e-but-ḳhāna

    binā-e-mai-kada Daalī jo ne pīr-e-mai-ḳhāna

    to ka.aba rahā ka.aba na phir but-ḳhāna but-ḳhāna

    kahāñ tuur mushtāq-e-laqā vo aañkh paidā kar

    ki zarra zarra hai nazzāra-gāh-e-husn-e-jānāna

    ḳhudā puurī kare ye hasrat-e-dīdār hasrat

    ki dekhūñ aur tire jalvoñ ko dekhūñ be-hijābāna

    shikast-e-tauba taqrīb meñ jhuk jhuk ke miltī haiñ

    kabhī paimāna shīsha se kabhī shīshe se paimāna

    sajā kar laḳht-e-dil se kashtī-e-chashm-e-tamannā ko

    chalā huuñ bārgāh-e-ishq meñ le kar ye nazrāna

    kabhī jo parda-e-be-sūratī meñ jalva-farmā the

    unhīñ ko ālam-e-sūrat meñ dekhā be-hijābāna

    mirī duniyā badal jumbish-e-abrū-e-jānāñ ne

    ki apnā rahā apnā na ab begāna na begāna

    jalā kar sham.a parvāne ko saarī umr rotī hai

    aur apnī jaan de kar chain se sotā hai parvāna

    kisī mahfil-e-ishrat meñ paiham daur chalte haiñ

    kisī umr labrez hone ko hai paimāna

    hamārī zindagī to muḳhtasar ik kahānī thī

    bhalā ho maut jis ne banā rakkhā hai afsāna

    ye lafz-e-sālik-o-majzūb hai sharh ai 'bedam'

    ki ik hoshyār-e-ḳhatm-ul-mursalīñ aur ek dīvāna

    na mehrab-e-haram samjhe na jaane taq-e-but-KHana

    jahan dekhi tajalli ho gaya qurban parwana

    dil-e-azad ko wahshat ne baKHsha hai wo kashana

    ki ek dar jaanib-e-kaba hai ek dar su-e-but-KHana

    bina-e-mai-kada Dali jo tu ne pir-e-mai-KHana

    to kaba hi raha kaba na phir but-KHana but-KHana

    kahan ka tur mushtaq-e-laqa wo aankh paida kar

    ki zarra zarra hai nazzara-gah-e-husn-e-jaanana

    KHuda puri kare ye hasrat-e-didar ki hasrat

    ki dekhun aur tere jalwon ko dekhun be-hijabana

    shikast-e-tauba ki taqrib mein jhuk jhuk ke milti hain

    kabhi paimana shisha se kabhi shishe se paimana

    saja kar laKHt-e-dil se kashti-e-chashm-e-tamanna ko

    chala hun bargah-e-ishq mein le kar ye nazrana

    kabhi jo parda-e-be-surati mein jalwa-farma the

    unhin ko aalam-e-surat mein dekha be-hijabana

    meri duniya badal di jumbish-e-abru-e-jaanan ne

    ki apna hi raha apna na ab begana na begana

    jala kar shama parwane ko sari umr roti hai

    aur apni jaan de kar chain se sota hai parwana

    kisi ki mahfil-e-ishrat mein paiham daur chalte hain

    kisi ki umr ka labrez hone ko hai paimana

    hamari zindagi to muKHtasar si ek kahani thi

    bhala ho maut ka jis ne bana rakkha hai afsana

    ye lafz-e-salik-o-majzub ki hai sharh ai 'bedam'

    ki ek hoshyar-e-KHatm-ul-mursalin aur ek diwana

    0
    COMMENT
    COMMENTS
    VIEW COMMENTS

    Critique mode ON

    Tap on any word to submit a critique about that line. Word-meanings will not be available while you’re in this mode.

    OKAY

    SUBMIT CRITIQUE

    NAME

    E-MAIL

    COMMENT

    Thanks, for your feedback

    Critique draft saved

    EDIT DISCARD

    CRITIQUE MODE ON

    TURN OFF

    Discard saved critique?

    CANCEL DISCARD

    CRITIQUE MODE ON - Click on a line of text to critique

    TURN OFF

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY

    Added to your favorites

    Removed from your favorites