na pahuñche chhūT kar kunj-e-qafas se ham nasheman tak
par-e-parvāz ne yaarī na kī dīvār-e-gulshan tak
vo be-dil huuñ ki mujh se dostī kartā hai dushman tak
vo rahrav huuñ ki mujh ko raah batlātā hai rahzan tak
pas-e-murdan ye ai mashshāta-e-bād-e-sabā karnā
hamārī ḳhaak surma ban ke pahuñche chashm-e-rauzan tak
ḳhizāñ meñ dekh lenā vādī-e-pur-ḳhār se bad-tar
chaman bhī hai bahār-e-lāla-o-nasrīn-o-sosan tak
kidhar aayā hai dil pachhtāoge nādāñ na ho dekho
na pahuñchoge kabhī ai 'mehr' tum us shoḳh-e-har-fan tak
na pahunche chhuT kar kunj-e-qafas se hum nasheman tak
par-e-parwaz ne yari na ki diwar-e-gulshan tak
wo be-dil hun ki mujh se dosti karta hai dushman tak
wo rahraw hun ki mujh ko rah batlata hai rahzan tak
pas-e-murdan ye ai mashshata-e-baad-e-saba karna
hamari KHak surma ban ke pahunche chashm-e-rauzan tak
KHizan mein dekh lena wadi-e-pur-KHar se bad-tar
chaman bhi hai bahaar-e-lala-o-nasrin-o-sosan tak
kidhar aaya hai dil pachhtaoge nadan na ho dekho
na pahunchoge kabhi ai 'mehr' tum us shoKH-e-har-fan tak
Source:
Intikhab-e-Sukhan(Volume-003) (Pg. 246)
-
- Edition: 1983
- Publisher: Uttar Pradesh Urdu Academy, Lucknow
- Year of Publication: 1983
Additional information available
Click on the INTERESTING button to view additional information associated with this sher.
rare Unpublished content
This ghazal contains ashaar not published in the public domain. These are marked by a red line on the left.