na phir jahan mein bulandi-e-izz-o-shan ke liye

na phir jahāñ meñ bulandī-e-izz-o-shāñ ke liye

ye kaam chhoḌ siyah-baḳht āsmāñ ke liye

mirī fuġhāñ hī se raunaq hai merī hastī kī

sadā jaras kī zarūrī hai kārvāñ ke liye

ḳhalish ne dil ko mire kuchh mazā diyā aisā

ki jam.a kartā huuñ maiñ ḳhaar āshiyāñ ke liye

kiyā hai vaar to kaam ab tamām kartā jā

na chhoḌ mujh ko sitam-hā-e-āsmāñ ke liye

nahīñ hai shikva-e-ḳhūbān-e-ātshīñ-ruḳhsār

azal se vaqf hai dil sozish-e-nihāñ ke liye

ḳhudā kare ye samajh le ma.āl-e-ishq-e-butāñ

du'ā karo koī 'mahrūm'-e-ḳhasta-jāñ ke liye

na phir jahan mein bulandi-e-izz-o-shan ke liye

ye kaam chhoD siyah-baKHt aasman ke liye

meri fughan hi se raunaq hai meri hasti ki

sada jaras ki zaruri hai karwan ke liye

KHalish ne dil ko mere kuchh maza diya aisa

ki jama karta hun main KHar aashiyan ke liye

kiya hai war to kaam ab tamam karta ja

na chhoD mujh ko sitam-ha-e-asman ke liye

nahin hai shikwa-e-KHuban-e-atshin-ruKHsar

azal se waqf hai dil sozish-e-nihan ke liye

KHuda kare ye samajh le maal-e-ishq-e-butan

du'a karo koi 'mahrum'-e-KHasta-jaan ke liye