na puchh kis liye zaKHm-e-jigar ko dekhte hain

na pūchh kis liye zaḳhm-e-jigar ko dekhte haiñ

is aa.ine meñ kisī kī nazar ko dekhte haiñ

dam-e-fanā tirī pahlī nigāh yaad aa.ī

ham aaj shaam meñ shāmil sahar ko dekhte haiñ

kuchh is tarah huiiñ taqsīm shoḳhiyāñ un kī

har ek ne yahī samjhā udhar ko dekhte haiñ

shikast-e-dil kā yahāñ ab ḳhayāl hai kis ko

tirī nigāh meñ kaif-o-zafar ko dekhte haiñ

kahāñ kahāñ hai ḳhalish dard kī ma.āz-allāh

kahāñ kahāñ tirī tirchhī nazar ko dekhte haiñ

bahut buland hai merī nigāh ai 'maikash'

vo aur hoñge jo aib-o-hunar ko dekhte haiñ

na puchh kis liye zaKHm-e-jigar ko dekhte hain

is aaine mein kisi ki nazar ko dekhte hain

dam-e-fana teri pahli nigah yaad aai

hum aaj sham mein shamil sahar ko dekhte hain

kuchh is tarah huin taqsim shoKHiyan un ki

har ek ne yahi samjha udhar ko dekhte hain

shikast-e-dil ka yahan ab KHayal hai kis ko

teri nigah mein kaif-o-zafar ko dekhte hain

kahan kahan hai KHalish dard ki maaz-allah

kahan kahan teri tirchhi nazar ko dekhte hain

bahut buland hai meri nigah ai 'maikash'

wo aur honge jo aib-o-hunar ko dekhte hain