na puchho kaun hain kyun rah mein na-chaar baiThe hain

Azad Ansari

na puchho kaun hain kyun rah mein na-chaar baiThe hain

Azad Ansari

MORE BYAzad Ansari

    na pūchho kaun haiñ kyuuñ raah meñ nā-chār baiThe haiñ

    musāfir haiñ safar karne himmat haar baiThe haiñ

    idhar pahlū se vo uTThe udhar duniyā se ham uTThe

    chalo ham bhī tumhāre saath bekār baiThe haiñ

    kise fursat ki farz-e-ḳhidmat-e-ulfat bajā laa.e

    na tum bekār baiThe ho na ham bekār baiThe haiñ

    jo uTThe haiñ to garm-e-justujū-e-dost uTThe haiñ

    jo baiThe haiñ to mahv-e-ārzū-e-yār baiThe haiñ

    maqām-e-dast-gīrī hai ki tere rah-rav-e-ulfat

    hazāroñ justujueñ kar ke himmat haar baiThe haiñ

    na pūchho kaun haiñ kyā mudda.ā hai kuchh nahīñ baabā

    gadā haiñ aur zer-e-sāya-e-dīvār baiThe haiñ

    ye ho saktā nahīñ 'āzād' se mai-ḳhāna ḳhālī ho

    vo dekho kaun baiThā hai vahī sarkār baiThe haiñ

    na puchho kaun hain kyun rah mein na-chaar baiThe hain

    musafir hain safar karne ki himmat haar baiThe hain

    idhar pahlu se wo uTThe udhar duniya se hum uTThe

    chalo hum bhi tumhaare sath hi bekar baiThe hain

    kise fursat ki farz-e-KHidmat-e-ulfat baja lae

    na tum bekar baiThe ho na hum bekar baiThe hain

    jo uTThe hain to garm-e-justuju-e-dost uTThe hain

    jo baiThe hain to mahw-e-arzu-e-yar baiThe hain

    maqam-e-dast-giri hai ki tere rah-raw-e-ulfat

    hazaron justujuen kar ke himmat haar baiThe hain

    na puchho kaun hain kya muddaa hai kuchh nahin baba

    gada hain aur zer-e-saya-e-diwar baiThe hain

    ye ho sakta nahin 'azad' se mai-KHana KHali ho

    wo dekho kaun baiTha hai wahi sarkar baiThe hain

    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY