na sath aa mere main girte faslon mein hun

Mohammad Ahmad Ramz

na sath aa mere main girte faslon mein hun

Mohammad Ahmad Ramz

MORE BYMohammad Ahmad Ramz

    na saath aa mire maiñ girte fāsloñ meñ huuñ

    ġhubār-e-dasht huuñ aur tez āñdhiyoñ meñ huuñ

    na jaane qasd kahāñ hai kyuuñ nikāle qadam

    zamāna biit gayā kaisī hijratoñ meñ huuñ

    ḳhud apne shaam o sahar meñ ulajh gayā aisā

    maiñ āsmāñ huuñ magar apnī gardishoñ meñ huuñ

    bahut kushāda falak hai baḌī basīt zamīñ

    magar ye sab maiñ sameTe hue paroñ meñ huuñ

    uThā.e phirte haiñ sar merā ek neze par

    buland huuñ maiñ yahāñ bhī jo dushmanoñ meñ huuñ

    koī bhī hādsa-e-jāñ ho us manzar meñ

    uThā ke dekh lo aḳhbār surḳhiyoñ meñ huuñ

    koī sadā koī halchal nahīñ hai bāhar

    maiñ apnī guuñj meñ huuñ apnī āhaToñ meñ huuñ

    koī bhī aks nahīñ jis meñ merā chehra ho

    maiñ ā.īna huuñ magar kitnī hairatoñ meñ huuñ

    nasha hai niiñd āñkhoñ meñ TūTtā hai badan

    ki jaise maiñ bhī lagātār ratjagoñ meñ huuñ

    ki jaise mujh ko Duboyā gayā hai paanī meñ

    ki jaise maiñ koī shātir shanāvaroñ meñ huuñ

    ki jaise mujh ko chaḌhāyā gayā hai suulī par

    ki jaise maiñ bhī baḌe ūñche sar-phiroñ meñ huuñ

    ki jaise mujh pe hai chhāyā shikār aaseb

    ki jaise maiñ bhī ḳhatarnāk jañgaloñ meñ huuñ

    ki jaise log mujhe dekhne ko aa.e haiñ

    ki jaise maiñ luTe-hāre musāfiroñ meñ huuñ

    rahūñ maiñ ḳhud ko sameTe hue sambhāle hue

    ye 'ramz' merī sazā hai ki dostoñ meñ huuñ

    na sath aa mere main girte faslon mein hun

    ghubar-e-dasht hun aur tez aandhiyon mein hun

    na jaane qasd kahan ka hai kyun nikale qadam

    zamana bit gaya kaisi hijraton mein hun

    KHud apne sham o sahar mein ulajh gaya aisa

    main aasman hun magar apni gardishon mein hun

    bahut kushada falak hai baDi basit zamin

    magar ye sab main sameTe hue paron mein hun

    uThae phirte hain sar mera ek neze par

    buland hun main yahan bhi jo dushmanon mein hun

    koi bhi hadsa-e-jaan ho us ka manzar mein

    uTha ke dekh lo aKHbar surKHiyon mein hun

    koi sada koi halchal nahin hai bahar ki

    main apni gunj mein hun apni aahaTon mein hun

    koi bhi aks nahin jis mein mera chehra ho

    main aaina hun magar kitni hairaton mein hun

    nasha hai nind ka aankhon mein TuTta hai badan

    ki jaise main bhi lagatar ratjagon mein hun

    ki jaise mujh ko Duboya gaya hai pani mein

    ki jaise main koi shatir shanawaron mein hun

    ki jaise mujh ko chaDhaya gaya hai suli par

    ki jaise main bhi baDe unche sar-phiron mein hun

    ki jaise mujh pe hai chhaya shikar ka aaseb

    ki jaise main bhi KHatarnak jangalon mein hun

    ki jaise log mujhe dekhne ko aae hain

    ki jaise main luTe-haare musafiron mein hun

    rahun main KHud ko sameTe hue sambhaale hue

    ye 'ramz' meri saza hai ki doston mein hun

    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY