na saz-o-mutrib na jam-o-saqi na wo bahaar-e-chaman hai baqi

na sāz-o-mutrib na jām-o-sāqī na vo bahār-e-chaman hai baaqī

nigāh-e-sham-e-sahar ke parde ye naqsha-e-anjuman hai baaqī

zamāna guzrā vo yāsman-bū judā huī ham-kanār ho kar

magar abhī tak hamāre pahlū meñ nik.hat-e-yāsman hai baaqī

bhulā chukī dil se shām-e-ġhurbat har ek naqsha har ek sūrat

hamārī āñkhoñ meñ lekin ab tak faroġh-e-sub.h-e-vatan hai baaqī

zamāna badlā miTī javānī na vo mohabbat na zindagānī

bas ek bholī sī yaad hai jo ba-rañg-e-dāġh-e-kuhan hai baaqī

miTā diye be-sutūn charḳh-e-kuhan ne shīrīñ-laqā hazāroñ

magar mohabbat ke lab par ab bhī tarāna-e-kohkan hai baaqī

habāb-āsā muhīt-e-hastī meñ jo hai miTne ko ban rahā hai

hai inqalāb ik numūd aisī jo zer-e-charḳh-e-kuhan hai baaqī

ġham-e-zamāna kī saḳhtiyoñ se huī hai pāmāl tab-e-'aḳhtar'

na vo nishāt-e-kuhan hai baaqī na vo mazāq-e-suḳhan hai baaqī

na saz-o-mutrib na jam-o-saqi na wo bahaar-e-chaman hai baqi

nigah-e-sham-e-sahar ke parde ye naqsha-e-anjuman hai baqi

zamana guzra wo yasman-bu juda hui ham-kanar ho kar

magar abhi tak hamare pahlu mein nikhat-e-yasman hai baqi

bhula chuki dil se sham-e-ghurbat har ek naqsha har ek surat

hamari aankhon mein lekin ab tak farogh-e-subh-e-watan hai baqi

zamana badla miTi jawani na wo mohabbat na zindagani

bas ek bholi si yaad hai jo ba-rang-e-dagh-e-kuhan hai baqi

miTa diye be-sutun charKH-e-kuhan ne shirin-laqa hazaron

magar mohabbat ke lab par ab bhi tarana-e-kohkan hai baqi

habab-asa muhit-e-hasti mein jo hai miTne ko ban raha hai

hai inqalab ek numud aisi jo zer-e-charKH-e-kuhan hai baqi

gham-e-zamana ki saKHtiyon se hui hai pamal tab-e-'aKHtar'

na wo nishat-e-kuhan hai baqi na wo mazaq-e-suKHan hai baqi