na sharh-e-shauq na taskīn jān-e-zār meñ hai
mazā jo apnī mohabbat ke e'tibār meñ hai
abhī se hosh na kho baiTh ai nasīm-e-chaman
abhī to ek shikan zulf-e-tābdār meñ hai
ḳhud apne ishq kī rañgīniyoñ meñ gum ho jā
nahīñ kuchh aur agar ye to iḳhtiyār meñ hai
ye mahviyat koī dekhe ki misl-e-ā.īna
junūn-e-ḳhud-nigarī apne intizār meñ hai
na hai nasīb milī aur ba-qadr-e-zarf milī
supurdagī kī jo ik shaan iḳhtiyār meñ hai
harīf-e-bazm-e-tamāshā tirī nigāh nahīñ
vagarna husn to ḳhud tere intizār meñ hai
'asar' mujhe hai vahāñ ruḳhsat-e-navā-sanjī
ki naġhma ik lab-e-ḳhāmosh jab dayār meñ hai
na sharh-e-shauq na taskin jaan-e-zar mein hai
maza jo apni mohabbat ke e'tibar mein hai
abhi se hosh na kho baiTh ai nasim-e-chaman
abhi to ek shikan zulf-e-tabdar mein hai
KHud apne ishq ki ranginiyon mein gum ho ja
nahin kuchh aur agar ye to iKHtiyar mein hai
ye mahwiyat koi dekhe ki misl-e-aina
junun-e-KHud-nigari apne intizar mein hai
na hai nasib mili aur ba-qadr-e-zarf mili
supurdagi ki jo ek shan iKHtiyar mein hai
harif-e-bazm-e-tamasha teri nigah nahin
wagarna husn to KHud tere intizar mein hai
'asar' mujhe hai wahan ruKHsat-e-nawa-sanji
ki naghma ek lab-e-KHamosh jab dayar mein hai
Additional information available
Click on the INTERESTING button to view additional information associated with this sher.
rare Unpublished content
This ghazal contains ashaar not published in the public domain. These are marked by a red line on the left.