na sirf ye ki zamane ka Dhab dikhai de
na sirf ye ki zamāne kā Dhab dikhā.ī de
ġhazal to vo hai ki andar kā sab dikhā.ī de
badan kī us ke kasāvaT hī kyā qayāmat hai
kisī libās meñ dekho ġhazab dikhā.ī de
maiñ apnī iid manā luuñ mujhe kisī se kyā
na jaane phir vo mirā chāñd kab dikhā.ī de
maiñ us ko dekhūñ kuchh aisā ki dekh bhī na sakūñ
vo apne aap meñ chhup jaa.e jab dikhā.ī de
koī batā.e sahar ko kahāñ talāsh karūñ
jab āsmān bhī bairūn-e-shab dikhā.ī de
'shakīl' husn-e-talab kā mo.āmla hai vahāñ
vo kāmyāb hai jo be-talab dikhā.ī de
na sirf ye ki zamane ka Dhab dikhai de
ghazal to wo hai ki andar ka sab dikhai de
badan ki us ke kasawaT hi kya qayamat hai
kisi libas mein dekho ghazab dikhai de
main apni id mana lun mujhe kisi se kya
na jaane phir wo mera chand kab dikhai de
main us ko dekhun kuchh aisa ki dekh bhi na sakun
wo apne aap mein chhup jae jab dikhai de
koi batae sahar ko kahan talash karun
jab aasman bhi bairun-e-shab dikhai de
'shakil' husn-e-talab ka moamla hai wahan
wo kaamyab hai jo be-talab dikhai de
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
