na tanha nastarin o nastaran se ishq hai mujhko
na tanhā nastarīn o nastaran se ishq hai mujh ko
fidā-kār-e-chaman huuñ kul chaman se ishq hai mujh ko
usī kī god meñ paltī rahī hai zindagī merī
muqaddas vādi-e-gañg-o-jaman se ishq hai mujh ko
mohabbat hai azal ke din se shāmil merī fitrat meñ
bilā tafrīq shaiḳh o barhaman se ishq hai mujh ko
agar chehre hoñ afsurda to jiine kā mazā kyā hai
urūs-e-zindagī ke bāñkpan se ishq hai mujh ko
samajhtā huuñ use bhī ek manzil rāh-e-himmat kī
purānā halqa-e-dār-o-rasan se ishq hai mujh ko
na tanha nastarin o nastaran se ishq hai mujh ko
fida-kar-e-chaman hun kul chaman se ishq hai mujh ko
usi ki god mein palti rahi hai zindagi meri
muqaddas wadi-e-gang-o-jaman se ishq hai mujh ko
mohabbat hai azal ke din se shamil meri fitrat mein
bila tafriq shaiKH o barhaman se ishq hai mujh ko
agar chehre hon afsurda to jine ka maza kya hai
urus-e-zindagi ke bankpan se ishq hai mujh ko
samajhta hun use bhi ek manzil rah-e-himmat ki
purana halqa-e-dar-o-rasan se ishq hai mujh ko
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
