na teri yaad na wo lutf-e-ah-e-nim-shabi

na terī yaad na vo lutf-e-āh-e-nīm-shabī

dil-o-dimāġh hue vaqf-e-ranj-e-be-sababī

tire karam ne kiyā ye bhī ik sitam ham par

ki chashm-e-shauq ne sīkhī na mudd.ā-talabī

ġham-e-nashāt ke māroñ ko kaun samjhā.e

ḳhumār-e-mai se hai baḌh kar surūr-e-tishna-labī

vo ḳhāna-zād-e-bahārāñ hai us ko zebā hai

gulāb-pairahanī gul-ruḳhī-o-ġhuncha-labī

havas meñ ik suḳhan-e-rā.egāñ kī vo bhī gayā

matā'-e-ġhuncha thā jo iztirāb-e-jāñ ba-labī

koī nazar nahīñ shā.ista-e-suḳhan varna

vahī hai chashm-e-fusūñ-gar kī guftugū-talabī

mirā vajūd sahī ek musht-e-ḳhāk magar

hai zarre zarre meñ elān-e-kahkashāñ-nasabī

ḳhirad hijāb-e-haqīqat uThā to de lekin

abhī junūñ ko gavārā nahīñ ye be-adabī

havā-e-zar se huā kam na habs-e-jāñ hargiz

miTī na āb-e-guhar se kisī kī tishna-labī

yaqīñ to kyā mire vahm-o-gumāñ laraz uTThe

nigār-ḳhāna-e-fitrat meñ thī vo bul-ajabī

nigāh-e-yār thī mā.il-ba-dar-guzar lekin

hamīñ rahe na adab-āshnā-e-be-adabī

tamām shahr pe baiThī hai us ke 'ilm kī dhaak

ki boltā hai vo urdu ba-lahja-e-arabī

ḳhudā kā fazl hai aur faiz-e-sāqī-e-shīrāz

ki mere she'r meñ hai kaif-e-bāda-e-inabī

na teri yaad na wo lutf-e-ah-e-nim-shabi

dil-o-dimagh hue waqf-e-ranj-e-be-sababi

tere karam ne kiya ye bhi ek sitam hum par

ki chashm-e-shauq ne sikhi na mudda-talabi

gham-e-nashat ke maron ko kaun samjhae

KHumar-e-mai se hai baDh kar surur-e-tishna-labi

wo KHana-zad-e-bahaaran hai us ko zeba hai

gulab-pairahani gul-ruKHi-o-ghuncha-labi

hawas mein ek suKHan-e-raegan ki wo bhi gaya

mata'-e-ghuncha tha jo iztirab-e-jaan ba-labi

koi nazar nahin shaista-e-suKHan warna

wahi hai chashm-e-fusun-gar ki guftugu-talabi

mera wajud sahi ek musht-e-KHak magar

hai zarre zarre mein elan-e-kahkashan-nasabi

KHirad hijab-e-haqiqat uTha to de lekin

abhi junun ko gawara nahin ye be-adabi

hawa-e-zar se hua kam na habs-e-jaan hargiz

miTi na aab-e-guhar se kisi ki tishna-labi

yaqin to kya mere wahm-o-guman laraz uTThe

nigar-KHana-e-fitrat mein thi wo bul-ajabi

nigah-e-yar thi mail-ba-dar-guzar lekin

hamin rahe na adab-ashna-e-be-adabi

tamam shahr pe baiThi hai us ke 'ilm ki dhak

ki bolta hai wo urdu ba-lahja-e-arabi

KHuda ka fazl hai aur faiz-e-saqi-e-shiraaz

ki mere she'r mein hai kaif-e-baada-e-inabi