na Therī jab koī taskīn-e-dil kī shakl yāroñ meñ
to aa nikle taḌap kar ham tumhāre be-qarāroñ meñ
kisī ke ishq meñ dard-e-jigar se dil ye kahtā hai
idhar bhī aa nikalnā ham bhī haiñ ummīdvāroñ meñ
vo mātam bazm-e-shādī hai tumhārī jis meñ shirkat ho
vo marnā zindagī hai tum jahāñ ho sogvāroñ meñ
ta.allī se ye nafrat hai ki ba.ad-e-marg ḳhaak apnī
agar uThtī bhī hai jā baiThtī hai ḳhāksāroñ meñ
hamāre dil ne ham se bevafā.ī kar ke kyā paayā
vahāñ bhī jā ke Thahrāyā gayā be-e'tibāroñ meñ
vo khīñchūñgā 'jalāl' aaheñ ki us kī ḳhaak uḌā deñgī
falak ne piis Daalā hai samajh kar ḳhāksāroñ meñ
na Theri jab koi taskin-e-dil ki shakl yaron mein
to aa nikle taDap kar hum tumhaare be-qararon mein
kisi ke ishq mein dard-e-jigar se dil ye kahta hai
idhar bhi aa nikalna hum bhi hain ummidwaron mein
wo matam bazm-e-shadi hai tumhaari jis mein shirkat ho
wo marna zindagi hai tum jahan ho sogwaron mein
talli se ye nafrat hai ki baad-e-marg KHak apni
agar uThti bhi hai ja baiThti hai KHaksaron mein
hamare dil ne hum se bewafai kar ke kya paya
wahan bhi ja ke Thahraya gaya be-e'tibaron mein
wo khinchunga 'jalal' aahen ki us ki KHak uDa dengi
falak ne pis Dala hai samajh kar KHaksaron mein
Source:
Noquush (Pg. B-293 E-309)
-
- Edition: May June 1954
- Publisher: Nuqoosh Press Lahore
- Year of Publication: May June 1954
Additional information available
Click on the INTERESTING button to view additional information associated with this sher.
rare Unpublished content
This ghazal contains ashaar not published in the public domain. These are marked by a red line on the left.