na tumhaara husn jawan raha na hamara ishq jawan raha

Akhtar Shirani

na tumhaara husn jawan raha na hamara ishq jawan raha

Akhtar Shirani

MORE BYAkhtar Shirani

    na tumhārā husn javāñ rahā na hamārā ishq javāñ rahā

    na vo tum rahe na vo ham rahe jo rahā to ġham samāñ rahā

    na vo baaġh haiñ na ghaTā.eñ haiñ na vo phuul haiñ na fazā.eñ haiñ

    na vo nik.hateñ na havā.eñ haiñ na vo be-ḳhudī samāñ rahā

    na vo dil hai ab na javāniyāñ na vo āshiqī kahāniyāñ

    na vo ġham na ashk-fishāniyāñ na vo dard-e-dil nishāñ rahā

    na chaman hai vo na bahār hai na vo bulbuleñ na hazār hai

    yahī chār-samt pukār hai na vo rut hai ab na samāñ rahā

    na vo umr hai na masarrateñ na vo aish hai na vo ishrateñ

    na vo ārzūeñ na hasrateñ na ḳhushī nām-o-nishāñ rahā

    na nishāñ hai sāqī-o-jām na vo bāda-hā-e-chaman-adā

    na muġhanniya rahī mahv-e-sāz na saaz mast-e-fuġhāñ rahā

    ye bahār-e-gulshan-e-āb-o-gil hai fanā asar to hoñ kyuuñ ḳhajil

    vo gul-e-fasurda hai merā dil ki hamesha nazr-e-ḳhizāñ rahā

    nahīñ sabr sāqiyā bhī de qadah-e-bahār uThā bhī de

    abhī sin hai ke pilā bhī de ki hamesha kaun javāñ rahā

    kahūñ kyā ki rañj-rasīda huuñ maiñ ba-rañg-e-abr ramīda huuñ

    nafas-e-shamīm-e-parīda huuñ ki rahā tabāh jahāñ rahā

    asar-e-bahār-e-ḳhizāñ asar hai ki hai fasurda mirī nazar

    na havā-e-ishrat-e-bāl-o-par na junūn-e-bāġh-e-jināñ rahā

    maiñ gul-e-ramīda-e-rañg-o-bū bahār-e-mai-kada-e-numū

    maiñ hamesha ḳhasta-e-ārzū hamesha aish-e-javāñ rahā

    na sukūn-e-dil na qarār-e-jāñ na qayām-e-sabr koī zamāñ

    ye sarishk-e-ġham hai kārvāñ ki yūñhī hamesha ravāñ rahā

    matā-e-gul-kada-e-nazar gul-e-nau-bahār-e-bahisht-asar

    maiñ vo andalīb-e-shikasta par ki hamesha mahv-e-fuġhāñ rahā

    na vo soz-o-sāz-e-darūñ hai ab na vo chashm-e-gul-kada-e-gūñ hai ab

    na vo sar hai ab na junūñ hai ab na vo zauq-e-sho.ala-chakāñ rahā

    hai falak badlī huī nazar kahīñ kisī se 'aḳhtar'-e-nāla-gar

    ki maiñ us ke jaur-e-alam-asar se hamesha mahv-e-fuġhāñ rahā

    na tumhaara husn jawan raha na hamara ishq jawan raha

    na wo tum rahe na wo hum rahe jo raha to gham ka saman raha

    na wo bagh hain na ghaTaen hain na wo phul hain na fazaen hain

    na wo nikhaten na hawaen hain na wo be-KHudi ka saman raha

    na wo dil hai ab na jawaniyan na wo aashiqi ki kahaniyan

    na wo gham na ashk-fishaniyan na wo dard-e-dil ka nishan raha

    na chaman hai wo na bahaar hai na wo bulbulen na hazar hai

    yahi chaar-samt pukar hai na wo rut hai ab na saman raha

    na wo umr hai na masarraten na wo aish hai na wo ishraten

    na wo aarzuen na hasraten na KHushi ka nam-o-nishan raha

    na nishan hai saqi-o-jam ka na wo baada-ha-e-chaman-ada

    na mughanniya rahi mahw-e-saz na saz mast-e-fughan raha

    ye bahaar-e-gulshan-e-ab-o-gil hai fana asar to hon kyun KHajil

    wo gul-e-fasurda hai mera dil ki hamesha nazr-e-KHizan raha

    nahin sabr saqiya la bhi de qadah-e-bahaar uTha bhi de

    abhi sin hai la ke pila bhi de ki hamesha kaun jawan raha

    kahun kya ki ranj-rasida hun main ba-rang-e-abr ramida hun

    nafas-e-shamim-e-parida hun ki raha tabah jahan raha

    asar-e-bahaar-e-KHizan asar hai ki hai fasurda meri nazar

    na hawa-e-ishrat-e-baal-o-par na junun-e-bagh-e-jinan raha

    main gul-e-ramida-e-rang-o-bu tu bahaar-e-mai-kada-e-numu

    main hamesha KHasta-e-arzu tu hamesha aish-e-jawan raha

    na sukun-e-dil na qarar-e-jaan na qayam-e-sabr koi zaman

    ye sarishk-e-gham ka hai karwan ki yunhi hamesha rawan raha

    tu mata-e-gul-kada-e-nazar gul-e-nau-bahaar-e-bahisht-asar

    main wo andalib-e-shikasta par ki hamesha mahw-e-fughan raha

    na wo soz-o-saz-e-darun hai ab na wo chashm-e-gul-kada-e-gun hai ab

    na wo sar hai ab na junun hai ab na wo zauq-e-shoala-chakan raha

    hai falak ki badli hui nazar kahin kisi se 'aKHtar'-e-nala-gar

    ki main us ke jaur-e-alam-asar se hamesha mahw-e-fughan raha

    Source:

    • Book : Kulliyat-e-Akhtar Shirani (Pg. 265)
    • Author : Akhtar Shirani
    • Publication : Modern Publishing House, Daryaganj New delhi (1997)
    • Edition : 1997
    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY