na usko dekha na tab-o-tawan rawana kiye

na us ko dekhā na tāb-o-tavāñ ravāna kiye

tamām-umr kaTī miTTī meñ Thikānā kiye

na us se vasl kiyā aur na hā-o-hū hī kī

zamāna guzrā koī kār-e-ārifāna kiye

diloñ ko zaḳhm diye aur azaab āñkhoñ ko

jo kaam us ne kiye saare munsifāna kiye

maiñ apne-āp ko pahchāntā nahīñ huuñ abhī

maiñ aañkh muuñd ke leTā huuñ ye bahāna kiye

ye aisā daav hai jab pheñko ulTā paḌtā hai

sameTe baiThe ho kyā ishq ko ḳhazāna kiye

ho us se vasl ke tālib bharī sabhā meñ 'tūr'

kahāñ ye hosh-o-havās aap ne ravāna kiye

na us ko dekha na tab-o-tawan rawana kiye

tamam-umr kaTi miTTi mein Thikana kiye

na us se wasl kiya aur na ha-o-hu hi ki

zamana guzra koi kar-e-arifana kiye

dilon ko zaKHm diye aur azab aankhon ko

jo kaam us ne kiye sare munsifana kiye

main apne-ap ko pahchanta nahin hun abhi

main aankh mund ke leTa hun ye bahana kiye

ye aisa daw hai jab phenko ulTa paDta hai

sameTe baiThe ho kya ishq ko KHazana kiye

ho us se wasl ke talib bhari sabha mein 'tur'

kahan ye hosh-o-hawas aap ne rawana kiye