na uTThi aankh kisi lafz-e-be-zarar ki taraf

na uTThī aañkh kisī lafz-e-be-zarar kī taraf

na sañg aa.e kabhī shāḳh-e-be-samar kī taraf

mujhe bhī lamha-e-hijrat ne kar diyā taqsīm

nigāh ghar kī taraf hai qadam safar kī taraf

is ek vahm meñ chup-chup haiñ sūkhtī shāḳheñ

tuyūr lauT na aa.eñ kahīñ shajar kī taraf

ye mo'jiza hai ki siine meñ tiir baiTh gayā

agarche us kā nishāna thā mere sar kī taraf

kisī ko dekh ke ḳhud par yaqīn aayā to

uThī to aañkh kisī naqsh-e-be-hunar kī taraf

chalī hī aa.ī bil-āḳhir ka.ī irādoñ se

ḳhabar hisār liye mujh se be-ḳhabar kī taraf

na uTThi aankh kisi lafz-e-be-zarar ki taraf

na sang aae kabhi shaKH-e-be-samar ki taraf

mujhe bhi lamha-e-hijrat ne kar diya taqsim

nigah ghar ki taraf hai qadam safar ki taraf

is ek wahm mein chup-chup hain sukhti shaKHen

tuyur lauT na aaen kahin shajar ki taraf

ye mo'jiza hai ki sine mein tir baiTh gaya

agarche us ka nishana tha mere sar ki taraf

kisi ko dekh ke KHud par yaqin aaya to

uThi to aankh kisi naqsh-e-be-hunar ki taraf

chali hi aai bil-aKHir kai iradon se

KHabar hisar liye mujh se be-KHabar ki taraf