na wo diwar ki surat hai na dar ki surat

na vo dīvār kī sūrat hai na dar kī sūrat

zindagī apnī lage rāhguzar kī sūrat

ḳhidmat-e-ḳhalq kā jazba liye har mausam meñ

mujh ko rahnā hai bahar-hāl shajar kī sūrat

ḳhushk pattoñ kī tarah sahrā-navardī meñ rahe

ham ne muddat se kahāñ dekhī hai ghar kī sūrat

haiñ ta.āqub meñ mire jhūTī anā ke saa.e

kaash ho jaa.e koī in se mafar kī sūrat

būḌhe maañ baap ne rishtoñ ke hasīñ mele meñ

kho dī hai jaane kahāñ laḳht-e-jigar kī sūrat

vo banā paa.e na 'irfān' ujāloñ meñ shanāḳht

jo the mash.hūr añdheroñ meñ qamar kī sūrat

na wo diwar ki surat hai na dar ki surat

zindagi apni lage rahguzar ki surat

KHidmat-e-KHalq ka jazba liye har mausam mein

mujh ko rahna hai bahar-haal shajar ki surat

KHushk patton ki tarah sahra-nawardi mein rahe

hum ne muddat se kahan dekhi hai ghar ki surat

hain taaqub mein mere jhuTi ana ke sae

kash ho jae koi in se mafar ki surat

buDhe man bap ne rishton ke hasin mele mein

kho di hai jaane kahan laKHt-e-jigar ki surat

wo bana pae na 'irfan' ujalon mein shanaKHt

jo the mashhur andheron mein qamar ki surat