na wo jazbaat ki lahren na ehsasat ka dariya
Interesting Fact
Published in a literary journal ' Jadeed Fikr-o-Fun' Vol: 8, 1996
na vo jazbāt kī lahreñ na ehsāsāt kā dariyā
liye phirtā huuñ āñkhoñ meñ ajab ḳhadshāt kā dariyā
machaltī shoḳh maujoñ ko maiñ apne naam kyuuñ likkhūñ
ki āḳhir ḳhushk hogā mausam-e-barsāt kā dariyā
kise ma.alūm ye kashtī lage kis ghaaT par jā kar
bahā le jaa.e kyā jaane kidhar hālāt kā dariyā
kahāñ is aañkh kā jugnū ki chamke bhī to chhupne ko
kahāñ ham bekasoñ kī bātinī zulmāt kā dariyā
havā.eñ chup ḳhalā vīrāñ fazā ġhamgīñ safar mushkil
ravāñ hadd-e-nazar tak jabr ke lamhāt kā dariyā
zabāñ kī ḳhāmushī taqrīr ko dafnā nahīñ saktī
nahīñ ruktā 'figār' alfāz-o-taḳhlīqāt kā dariyā
na wo jazbaat ki lahren na ehsasat ka dariya
liye phirta hun aankhon mein ajab KHadshat ka dariya
machalti shoKH maujon ko main apne nam kyun likkhun
ki aaKHir KHushk hoga mausam-e-barsat ka dariya
kise malum ye kashti lage kis ghaT par ja kar
baha le jae kya jaane kidhar haalat ka dariya
kahan is aankh ka jugnu ki chamke bhi to chhupne ko
kahan hum bekason ki baatini zulmat ka dariya
hawaen chup KHala viran faza ghamgin safar mushkil
rawan hadd-e-nazar tak jabr ke lamhat ka dariya
zaban ki KHamushi taqrir ko dafna nahin sakti
nahin rukta 'figar' alfaz-o-taKHliqat ka dariya
Source:
Ehsas Dar Ehsas (Pg. 26)
- Author: Amar Singh Figar
-
- Edition: 2000
- Publisher: Modern Publishing House
- Year of Publication: 2000
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
