na wo zamin mein tha aur na aasman mein tha

na vo zamīn meñ thā aur na āsmān meñ thā

kabhī yaqīñ meñ mire thā kabhī gumān meñ thā

maiñ ek jaal liye umr bhar bhaTaktā rahā

parinda duur bahut duur āsmān meñ thā

maiñ roz ghar se nikaltā thā DhūñDne ke liye

makīn ban ke vo ḳhud mere hī makān meñ thā

maiñ kaash band darīche se jhāñk hī letā

vo mere kamre ke andar hī sā.ebān meñ thā

adhūrā paḌh ke use log rah ga.e varna

hamārā zikr bhī kuchh us kī dāstān meñ thā

ḳhatā ḳhud apnī nigāhoñ kī thī 'hasan' varna

vo mere jism meñ thā vo to merī jaan meñ thā

na wo zamin mein tha aur na aasman mein tha

kabhi yaqin mein mere tha kabhi guman mein tha

main ek jal liye umr bhar bhaTakta raha

parinda dur bahut dur aasman mein tha

main roz ghar se nikalta tha DhunDne ke liye

makin ban ke wo KHud mere hi makan mein tha

main kash band dariche se jhank hi leta

wo mere kamre ke andar hi saeban mein tha

adhura paDh ke use log rah gae warna

hamara zikr bhi kuchh us ki dastan mein tha

KHata KHud apni nigahon ki thi 'hasan' warna

wo mere jism mein tha wo to meri jaan mein tha