na-bina gungi bahri wazarat pe aaKH-thu

nā-bīnā gūñgī bahrī vazārat pe āḳh-thū

sau baar āj-kal kī siyāsat pe āḳh-thū

bhūke haiñ ahl-e-ilm gadhe khā rahe haiñ khiir

thū thū tire nizām-e-hukūmat pe āḳh-thū

ahl-e-sitam kī vaah se hotī hai jo nasīb

shohrat pe aisī āḳh-thū rāhat pe āḳh-thū

tujh meñ nahīñ tamīz halāl-o-harām kī

la.anat tirī kamā.ī pe daulat pe āḳh-thū

rakhtī hai jo nigāh hamesha mafād par

aisī vafā pe aisī mohabbat pe āḳh-thū

jo dāġh-dār kar de anā ke libās ko

aise surūr-o-kaif pe ishrat pe āḳh-thū

dastār kā hai paas jinheñ kar rahe haiñ vo

ḳhairāt meñ milī huī izzat pe āḳh-thū

na-bina gungi bahri wazarat pe aaKH-thu

sau bar aaj-kal ki siyasat pe aaKH-thu

bhuke hain ahl-e-ilm gadhe kha rahe hain khir

thu thu tere nizam-e-hukumat pe aaKH-thu

ahl-e-sitam ki wah se hoti hai jo nasib

shohrat pe aisi aaKH-thu rahat pe aaKH-thu

tujh mein nahin tamiz halal-o-haram ki

lanat teri kamai pe daulat pe aaKH-thu

rakhti hai jo nigah hamesha mafad par

aisi wafa pe aisi mohabbat pe aaKH-thu

jo dagh-dar kar de ana ke libas ko

aise surur-o-kaif pe ishrat pe aaKH-thu

dastar ka hai pas jinhen kar rahe hain wo

KHairaat mein mili hui izzat pe aaKH-thu