na-karda gunahon ki saza aur hi kuchh hai
nā-karda gunāhoñ kī sazā aur hī kuchh hai
mansūr anal-haq kī jazā aur hī kuchh hai
kyā ham se musāfir ko qarār aa bhī sakegā
manzil koī manzil kā pata aur hī kuchh hai
girne se bhī dil par kabhī choT aa.ī kisī ko
ma.alūm ye hotā hai huā aur hī kuchh hai
dushnām-tarāzī hī nahīñ rañj kā baa.is
mil baiTh ke dekho to gilā aur hī kuchh hai
jhampīr meñ paa.ī hai faqat ābla-pā.ī
masqat ne to 'manzar' ko diyā aur hī kuchh hai
na-karda gunahon ki saza aur hi kuchh hai
mansur anal-haq ki jaza aur hi kuchh hai
kya hum se musafir ko qarar aa bhi sakega
manzil koi manzil ka pata aur hi kuchh hai
girne se bhi dil par kabhi choT aai kisi ko
malum ye hota hai hua aur hi kuchh hai
dushnam-taraazi hi nahin ranj ka bais
mil baiTh ke dekho to gila aur hi kuchh hai
jhampir mein pai hai faqat aabla-pai
masqat ne to 'manzar' ko diya aur hi kuchh hai
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
