na-KHush dikha ke jis ko naz-o-itab kije

nā-ḳhush dikhā ke jis ko nāz-o-itāb kiije

ai mehrbāñ phir us ko ḳhush bhī shitāb kiije

jo apne mubtalā hoñ aur dil se chāhte hoñ

lāzim nahīñ phir un se rukiye hijāb kiije

baiThe jo shaam tak ham bolā vo mehrbāñ ho

jo ḳhvāhisheñ haiñ un kā kuchh intiḳhāb kiije

ham ne 'nazīr' hañs kar us shoḳh se kahā yuuñ

haiñ ḳhvāhisheñ to itnī kyā kyā hisāb kiije

mauqe kī ab to ye hai jo vaqt-e-shab hai ai jaañ

ham baiThe paañv dābeñ aur aap ḳhvāb kiije

na-KHush dikha ke jis ko naz-o-itab kije

ai mehrban phir us ko KHush bhi shitab kije

jo apne mubtala hon aur dil se chahte hon

lazim nahin phir un se rukiye hijab kije

baiThe jo sham tak hum bola wo mehrban ho

jo KHwahishen hain un ka kuchh intiKHab kije

hum ne 'nazir' hans kar us shoKH se kaha yun

hain KHwahishen to itni kya kya hisab kije

mauqe ki ab to ye hai jo waqt-e-shab hai ai jaan

hum baiThe panw daben aur aap KHwab kije