na-muradi hi likhi thi so wo puri ho gai

nā-murādī hī likhī thī so vo puurī ho ga.ī

zindagī jal kar bujhī aur raakh jaisī ho ga.ī

log kyā samjheñ ki ġham se shakl kaisī ho ga.ī

aa.ina TuuTā to qīmat aur duunī ho ga.ī

rafta rafta dūriyoñ se aañch dhīmī ho ga.ī

lekin ik tasvīr thī dil meñ jo gahrī ho ga.ī

do nigāhoñ kā tasādum chand lamhoñ kā savāl

aur rusvā.ī jahāñ meñ umr-bhar kī ho ga.ī

yaad se terī hue pur-nūr apne roz-o-shab

dil kī ra.anā.ī baḌhī aur raat ujlī ho ga.ī

soz-e-dil ne rafta rafta raakh ham ko kar diyā

ham ye samjhe the ki shāyad aag ThanDī ho ga.ī

kitne jauhar kar diye paidā ma.āl-e-ishq ne

dil meñ kaisā soz kaisī dard-mandī ho ga.ī

'vajd' ham ab tak na samjhe ramz-e-takmīl-e-vafā

dam ghuTā rātoñ ko aksar jaan aadhī ho ga.ī

na-muradi hi likhi thi so wo puri ho gai

zindagi jal kar bujhi aur rakh jaisi ho gai

log kya samjhen ki gham se shakl kaisi ho gai

aaina TuTa to qimat aur duni ho gai

rafta rafta duriyon se aanch dhimi ho gai

lekin ek taswir thi dil mein jo gahri ho gai

do nigahon ka tasadum chand lamhon ka sawal

aur ruswai jahan mein umr-bhar ki ho gai

yaad se teri hue pur-nur apne roz-o-shab

dil ki ranai baDhi aur raat ujli ho gai

soz-e-dil ne rafta rafta rakh hum ko kar diya

hum ye samjhe the ki shayad aag ThanDi ho gai

kitne jauhar kar diye paida maal-e-ishq ne

dil mein kaisa soz kaisi dard-mandi ho gai

'wajd' hum ab tak na samjhe ramz-e-takmil-e-wafa

dam ghuTa raaton ko aksar jaan aadhi ho gai