na-rawa kahiye na-saza kahiye

Dagh Dehlvi

na-rawa kahiye na-saza kahiye

Dagh Dehlvi

MORE BY Dagh Dehlvi

    nā-ravā kahiye nā-sazā kahiye

    kahiye kahiye mujhe burā kahiye

    tujh ko bad-ahd o bevafā kahiye

    aise jhūTe ko aur kyā kahiye

    dard dil na kahiye kahiye

    jab vo pūchhe mizāj kyā kahiye

    phir na rukiye jo mudda.ā kahiye

    ek ke ba.ad dūsrā kahiye

    aap ab merā muñh na khulvā.eñ

    ye na kahiye ki mudda.ā kahiye

    vo mujhe qatl kar ke kahte haiñ

    māntā na thā ye kyā kahiye

    dil meñ rakhne baat hai ġham-e-ishq

    is ko hargiz na barmalā kahiye

    tujh ko achchhā kahā hai kis kis ne

    kahne vāloñ ko aur kyā kahiye

    vo bhī sun leñge ye kabhī na kabhī

    hāl-e-dil sab se jā-ba-jā kahiye

    mujh ko kahiye burā na ġhair ke saath

    jo ho kahnā judā judā kahiye

    intihā ishq ḳhudā jaane

    dam-e-āḳhir ko ibtidā kahiye

    mere matlab se kyā ġharaz matlab

    aap apnā to mudda.ā kahiye

    aisī kashtī Dūbnā achchhā

    ki jo dushman ko nāḳhudā kahiye

    sabr furqat meñ aa jaatā hai

    par use der-āshnā kahiye

    aa ga.ī aap ko masīhā.ī

    marne vāloñ ko marhabā kahiye

    aap ḳhair-ḳhvāh mere sivā

    hai koī aur dūsrā kahiye

    haath rakh kar vo apne kānoñ par

    mujh se kahte haiñ mājrā kahiye

    hosh jaate rahe raqīboñ ke

    'dāġh' ko aur bā-vafā kahiye

    na-rawa kahiye na-saza kahiye

    kahiye kahiye mujhe bura kahiye

    tujh ko bad-ahd o bewafa kahiye

    aise jhuTe ko aur kya kahiye

    dard dil ka na kahiye ya kahiye

    jab wo puchhe mizaj kya kahiye

    phir na rukiye jo muddaa kahiye

    ek ke baad dusra kahiye

    aap ab mera munh na khulwaen

    ye na kahiye ki muddaa kahiye

    wo mujhe qatl kar ke kahte hain

    manta hi na tha ye kya kahiye

    dil mein rakhne ki baat hai gham-e-ishq

    is ko hargiz na barmala kahiye

    tujh ko achchha kaha hai kis kis ne

    kahne walon ko aur kya kahiye

    wo bhi sun lenge ye kabhi na kabhi

    haal-e-dil sab se ja-ba-ja kahiye

    mujh ko kahiye bura na ghair ke sath

    jo ho kahna juda juda kahiye

    intiha ishq ki KHuda jaane

    dam-e-aKHir ko ibtida kahiye

    mere matlab se kya gharaz matlab

    aap apna to muddaa kahiye

    aisi kashti ka Dubna achchha

    ki jo dushman ko naKHuda kahiye

    sabr furqat mein aa hi jata hai

    par use der-ashna kahiye

    aa gai aap ko masihai

    marne walon ko marhaba kahiye

    aap ka KHair-KHwah mere siwa

    hai koi aur dusra kahiye

    hath rakh kar wo apne kanon par

    mujh se kahte hain majra kahiye

    hosh jate rahe raqibon ke

    'dagh' ko aur ba-wafa kahiye

    Videos
    This video is playing from YouTube

    Videos
    This video is playing from YouTube

    Farida Khanum

    Farida Khanum

    RECITATIONS

    Nomaan Shauque

    Nomaan Shauque

    Nomaan Shauque

    na-rawa kahiye na-saza kahiye Nomaan Shauque

    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY

    Added to your favorites

    Removed from your favorites