nadan kahan tarab ka sar-anjam aur ishq
nadan kahan tarab ka sar-anjam aur ishq
Insha Allah Khan Insha
MORE BYInsha Allah Khan Insha
nādāñ kahāñ tarab kā sar-anjām aur ishq
kuchh bhī tujhe shu.ūr hai ārām aur ishq
lene na deveñge mujhe Tuk chain jiite jī
dushman ye dono gardish-e-ayyām aur ishq
yaañ ġhash haiñ shauq-e-tauf haiñ yārān-e-ka.aba ko
ai nāma-bar tū kahiyo ye paiġhām aur ishq
kyā naam le ke us kā pukārā karūñ ki yaañ
rakhtā hai har zabān meñ ik naam aur ishq
pūchhā kisī ne qais se tū hai mohammadī
bolā vo bhar ke aah ki islām aur ishq
asbāb-e-kā.enāt se bas ho ke be-navā
'inshā' ne intiḳhāb kiyā jaam aur ishq
nadan kahan tarab ka sar-anjam aur ishq
kuchh bhi tujhe shuur hai aaram aur ishq
lene na dewenge mujhe Tuk chain jite ji
dushman ye dono gardish-e-ayyam aur ishq
yan ghash hain shauq-e-tauf hain yaran-e-kaba ko
ai nama-bar tu kahiyo ye paigham aur ishq
kya nam le ke us ka pukara karun ki yan
rakhta hai har zaban mein ek nam aur ishq
puchha kisi ne qais se tu hai mohammadi
bola wo bhar ke aah ki islam aur ishq
asbab-e-kaenat se bas ho ke be-nawa
'insha' ne intiKHab kiya jam aur ishq
Source:
Kulliyat-e-inshaallah khan insha (Pg. 74)
- Author: Insha Allah Khan Insha
-
- Publisher: Munshi Nawal Kishor, Lucknow
- Year of Publication: 1876
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
