nala-e-jaan-e-KHasta-jaan arsh-e-barin pe jae kyon

nāla-e-jān-e-ḳhasta-jāñ arsh-e-barīñ pe jaa.e kyoñ

mere liye zamīn par sāhab-e-arsh aa.e kyoñ

nūr-e-zamīn-o-āsmāñ dīda-e-dil meñ aa.e kyoñ

mere siyāh-ḳhāne meñ koī diyā jalā.e kyoñ

zaḳhm ko ghaav kyoñ banāo dard ko aur kyoñ baḌhāo

nisbat-e-hū ko toḌ kar kījiye haa.e haa.e kyoñ

baḳhshne vaalā jab mirā afv pe hai tulā huā

mujh sā gunāhgār phir jurm se baaz aa.e kyoñ

'amjad'-e-ḳhasta-hāl kī puurī ho kyūñkar aarzū

dil hī nahīñ jab us ke paas matlab-e-dil bar aa.e kyoñ

nala-e-jaan-e-KHasta-jaan arsh-e-barin pe jae kyon

mere liye zamin par sahab-e-arsh aae kyon

nur-e-zamin-o-asman dida-e-dil mein aae kyon

mere siyah-KHane mein koi diya jalae kyon

zaKHm ko ghaw kyon banao dard ko aur kyon baDhao

nisbat-e-hu ko toD kar kijiye hae hae kyon

baKHshne wala jab mera afw pe hai tula hua

mujh sa gunahgar phir jurm se baz aae kyon

'amjad'-e-KHasta-haal ki puri ho kyunkar aarzu

dil hi nahin jab us ke pas matlab-e-dil bar aae kyon