nale dam lete nahin ya-rab fughan rukti nahin

naale dam lete nahīñ yā-rab fuġhāñ ruktī nahīñ

go qafas meñ band huuñ lekin zabāñ ruktī nahīñ

Dar rahā huuñ TuuT jā.eñgī qafas kī tīliyāñ

kyā musībat hai havā-e-bostāñ ruktī nahīñ

dīdanī haiñ mulzim-e-hastī kī tūfāñ-ḳheziyāñ

Dūbne se kashti-e-umr-e-ravāñ ruktī nahīñ

uḌ ke ham pahuñcheñge manzil par havā-e-shauq meñ

kārvāñ ruk jaa.e gard-e-kārvāñ ruktī nahīñ

diqqateñ'' haa.el haiñ fann-e-sher meñ lekin 'azīz'

ek āñdhī hai mirī tab-e-ravāñ ruktī nahīñ

nale dam lete nahin ya-rab fughan rukti nahin

go qafas mein band hun lekin zaban rukti nahin

Dar raha hun TuT jaengi qafas ki tiliyan

kya musibat hai hawa-e-bostan rukti nahin

didani hain mulzim-e-hasti ki tufan-KHeziyan

Dubne se kashti-e-umr-e-rawan rukti nahin

uD ke hum pahunchenge manzil par hawa-e-shauq mein

karwan ruk jae gard-e-karwan rukti nahin

diqqaten hael hain fann-e-sher mein lekin 'aziz'

ek aandhi hai meri tab-e-rawan rukti nahin