nam apna bhi kar gae hote

naam apnā bhī kar ga.e hote

āshiqī meñ jo mar ga.e hote

terā kūcha agar nahīñ hotā

phir na jaane kidhar ga.e hote

be-ḳhudī meñ na gar ḳhudī paate

ham hadoñ se guzar ga.e hote

aas un ko nahīñ thī aane kī

varna ab tak sañvar ga.e hote

gar vo aate mirī ayādat ko

zaḳhm-e-dil mere bhar ga.e hote

bāda-noshī thī tere ġham kā ilaaj

gar na piite to mar ga.e hote

nam apna bhi kar gae hote

aashiqi mein jo mar gae hote

tera kucha agar nahin hota

phir na jaane kidhar gae hote

be-KHudi mein na gar KHudi pate

hum hadon se guzar gae hote

aas un ko nahin thi aane ki

warna ab tak sanwar gae hote

gar wo aate meri ayaadat ko

zaKHm-e-dil mere bhar gae hote

baada-noshi thi tere gham ka ilaj

gar na pite to mar gae hote