nam hamara duniya wale likhenge ji-daron mein

naam hamārā duniyā vaale likheñge jī-dāroñ meñ

naach rahe haiñ apnī apnī laash pe ham bāzāroñ meñ

ek purānī rasm hai baaqī aaj talak darbāroñ meñ

chāñd se chehre chun dete haiñ patthar kī dīvāroñ meñ

aaj kahāñ haiñ shahr meñ yaaro ūñchī gardan vaale log

aam haiñ ab to paañv baḌe aur sar chhoTe sardāroñ meñ

paar utarne vāloñ ko ab dīvānoñ meñ ginte ho

shāyad ḳhush-qismat the vo jo Duub ga.e mañjdhāroñ meñ

kyā ma.alūm koī chiñgārī jaag uThe aur chīḳh paḌe

behtar hai tum haath na Daalo in bujhte añgāroñ meñ

vaar pe vaar sahe haiñ lekin ek lahū kī buuñd nahīñ

jism haiñ saare patthar ke yā kaaT nahīñ talvāroñ meñ

kāñch ke ye chamkīle TukḌe āḳhir ḳhuun rulāte haiñ

dil se sachchī chiiz na bāñTo un jhūTe dil-dāroñ meñ

kaun tumhārā dard baTā.e kis ko itnī fursat hai

naam 'rashīd' tum apnā likh lo ḳhud apne ġham-ḳhvāroñ meñ

nam hamara duniya wale likhenge ji-daron mein

nach rahe hain apni apni lash pe hum bazaron mein

ek purani rasm hai baqi aaj talak darbaron mein

chand se chehre chun dete hain patthar ki diwaron mein

aaj kahan hain shahr mein yaro unchi gardan wale log

aam hain ab to panw baDe aur sar chhoTe sardaron mein

par utarne walon ko ab diwanon mein ginte ho

shayad KHush-qismat the wo jo Dub gae manjdhaaron mein

kya malum koi chingari jag uThe aur chiKH paDe

behtar hai tum hath na Dalo in bujhte angaron mein

war pe war sahe hain lekin ek lahu ki bund nahin

jism hain sare patthar ke ya kaT nahin talwaron mein

kanch ke ye chamkile TukDe aaKHir KHun rulate hain

dil se sachchi chiz na banTo un jhuTe dil-daron mein

kaun tumhaara dard baTae kis ko itni fursat hai

nam 'rashid' tum apna likh lo KHud apne gham-KHwaron mein