naqa-e-waqt nikalti hi chali jati hai

nāqa-e-vaqt nikaltī hī chalī jaatī hai

jism se ḳhaak phisaltī hī chalī jaatī hai

zaḳhm siine meñ chhupā rakh ki havā hai aisī

ḳhaak har phuul pe maltī hī chalī jaatī hai

haiñ sab ā.īne pareshāñ ki urūs-e-fitrat

rang har lahza badaltī hī chalī jaatī hai

dil-shikan kitnī hai is ḳhāk-e-ravāñ kī raftār

pā shikastoñ ko kuchaltī hī chalī jaatī hai

kis kī rah dekh rahī hai ki koī sham-e-vafā

dil se ḳheme meñ bhī jaltī hī chalī jaatī hai

sar meñ kyā sho.ala-e-ḳhud-sar hai ki nīche har shai

mom kī tarah pighaltī hī chalī jaatī hai

haath paañv to maiñ mārūñ huuñ pe vo chashm-e-fusūñ

misl-e-gardāb nigaltī hī chalī jaatī hai

phuul pheñke haiñ kisī yaad ne kyā kyā 'haidar'

dil meñ jo raakh thī jaltī hī chalī jaatī hai

naqa-e-waqt nikalti hi chali jati hai

jism se KHak phisalti hi chali jati hai

zaKHm sine mein chhupa rakh ki hawa hai aisi

KHak har phul pe malti hi chali jati hai

hain sab aaine pareshan ki urus-e-fitrat

rang har lahza badalti hi chali jati hai

dil-shikan kitni hai is KHak-e-rawan ki raftar

pa shikaston ko kuchalti hi chali jati hai

kis ki rah dekh rahi hai ki koi sham-e-wafa

dil se KHeme mein bhi jalti hi chali jati hai

sar mein kya shoala-e-KHud-sar hai ki niche har shai

mom ki tarah pighalti hi chali jati hai

hath panw to main marun hun pe wo chashm-e-fusun

misl-e-gardab nigalti hi chali jati hai

phul phenke hain kisi yaad ne kya kya 'haidar'

dil mein jo rakh thi jalti hi chali jati hai