naseh na bak ziyaada mera man ye suKHan

nāseh na bak ziyāda mirā maan ye suḳhan

mujh setī chhoTe 'ishq hai imkān ye suḳhan

tasbīh namāz roza se mujh ko nahīñ hai kaam

maiñ but-parast huuñ mirī pahchān ye suḳhan

har roz mujh ko 'ishq se kyuuñ roktā hai tū

āḳhir ko kho rahā hai tirī jaan ye suḳhan

dildār dilrubā haiñ mire dil ke mushtarī

maiñ in kā huuñ mirī jaan ye suḳhan

itne meñ merā yaar mire paas aa gayā

kahne lagā ki kyā hai mehrbān ye suḳhan

us be-hayā se kaahe ko ḳhālī karo ho maġhz

ye bevaqūf hai jo kahe aan ye suḳhan

tālib ko ma.arifat ke sabhī chiiz haiñ mu'āf

aksar ke kah ga.e haiñ qadr-dān ye suḳhan

al-qissa ho ḳhamosh kiyā maiñ ne ye yaqīñ

jab muñh se yaar ke paḌā mujh ko kaan ye suḳhan

behtar hai sab se dostī apnī ḳhudā kī 'nayan'

fe.al 'abas hai yaarī gaihān ye suḳhan

naseh na bak ziyaada mera man ye suKHan

mujh seti chhoTe 'ishq hai imkan ye suKHan

tasbih namaz roza se mujh ko nahin hai kaam

main but-parast hun meri pahchan ye suKHan

har roz mujh ko 'ishq se kyun rokta hai tu

aaKHir ko kho raha hai teri jaan ye suKHan

dildar dilruba hain mere dil ke mushtari

main in ka hun meri jaan ye suKHan

itne mein mera yar mere pas aa gaya

kahne laga ki kya hai mehrban ye suKHan

us be-haya se kahe ko KHali karo ho maghz

ye bewaquf hai jo kahe aan ye suKHan

talib ko marifat ke sabhi chiz hain mu'af

aksar ke kah gae hain qadr-dan ye suKHan

al-qissa ho KHamosh kiya main ne ye yaqin

jab munh se yar ke paDa mujh ko kan ye suKHan

behtar hai sab se dosti apni KHuda ki 'nayan'

feal 'abas hai yari gaihan ye suKHan