nashte par jise aazad kiya hai maine

nāshte par jise āzād kiyā hai maiñ ne

dopahar ke liye irshād kiyā hai maiñ ne

ai mire dil tirī hastī nazar aatī thī kahāñ

tū kahāñ thā tujhe ījād kiyā hai maiñ ne

phuul hī phuul haiñ tā-hadd-e-nazar phuul hī phuul

is ḳharābe ke liye yaad kiyā hai maiñ ne

saare asbāb vahāñ rakkhe haiñ darvāze ke paas

terī jāgīr ko ābād kiyā hai maiñ ne

ḳhaas mauqoñ pe jhalak apnī dikhā sakte haiñ

jin ko sanjīda-e-fariyād kiyā hai maiñ ne

aaj vo bhuul sudhārūñ to sudhārūñ kaise

us ko ruḳhsat ba-dil-e-shād kiyā hai maiñ ne

dillī vāloñ kī zabāñ meñ jise dil kahte haiñ

surḳh añgār thā barbād kiyā hai maiñ ne

nashte par jise aazad kiya hai main ne

dopahar ke liye irshad kiya hai main ne

ai mere dil teri hasti nazar aati thi kahan

tu kahan tha tujhe ijad kiya hai main ne

phul hi phul hain ta-hadd-e-nazar phul hi phul

is KHarabe ke liye yaad kiya hai main ne

sare asbab wahan rakkhe hain darwaze ke pas

teri jagir ko aabaad kiya hai main ne

KHas mauqon pe jhalak apni dikha sakte hain

jin ko sanjida-e-fariyaad kiya hai main ne

aaj wo bhul sudhaarun to sudhaarun kaise

us ko ruKHsat ba-dil-e-shad kiya hai main ne

dilli walon ki zaban mein jise dil kahte hain

surKH angar tha barbaad kiya hai main ne