naw Dubi teri hamare liye

naav Duubī tirī hamāre liye

dukh se ubhrī ḳhushī hamāre liye

josh meñ hosh kho gayā to kyā

aag the phuul bhī hamāre liye

shab kī āñkhoñ meñ iltifāt nahīñ

din meñ hai be-ruḳhī hamāre liye

chāñdnī se nahīñ haiñ ham vāqif

dhuup hai ajnabī hamāre liye

shāyad is ḳhvāb se pare hogī

ek duniyā na.ī hamāre liye

din kā hangāma un ke naam sahī

raat kī ḳhāmushī hamāre liye

aañkh meñ kitne din sañbhāloge

ḳhvāb-e-āvārgī hamāre liye

jaane kab āsmāñ se utregā

mausam-e-dilbarī hamāre liye

is tarah jī rahe haiñ jaise kahīñ

muntazir hai koī hamāre liye

naw Dubi teri hamare liye

dukh se ubhri KHushi hamare liye

josh mein hosh kho gaya to kya

aag the phul bhi hamare liye

shab ki aankhon mein iltifat nahin

din mein hai be-ruKHi hamare liye

chandni se nahin hain hum waqif

dhup hai ajnabi hamare liye

shayad is KHwab se pare hogi

ek duniya nai hamare liye

din ka hangama un ke nam sahi

raat ki KHamushi hamare liye

aankh mein kitne din sanbhaaloge

KHwab-e-awargi hamare liye

jaane kab aasman se utrega

mausam-e-dilbari hamare liye

is tarah ji rahe hain jaise kahin

muntazir hai koi hamare liye