naz-e-but-e-mahwash par qurban dil-o-jaan hai

nāz-e-but-e-mahvash par qurbān dil-o-jāñ hai

ye shān-e-ḳhudā ḳhudā-e-shāhid-e-ġhārat-gar-e-īmāñ hai

jo baat bhī hai pyārī jo chaal bhī hai achchhī

aan us kī nahīñ maḳhfī shaan us kī numāyāñ hai

hamrāh chalūñ us ke kuchh baat karūñ us se

muddat se ye hasrat hai muddat se ye armāñ hai

vo mujh ko dikhāte haiñ har aan nayā jalva

mere liye har jalva sarmāya-e-ehsāñ hai

girdāb-e-havādis meñ ḳhush huuñ ki mirī kashtī

nā-dīda-e-sāhil hai parvarda-e-tūfāñ hai

hañstā huā aayā hai hañs hañs ke rulā.egā

vo ahd-shikan phir ab āmāda-e-paimāñ hai

'manzūr' use dil denā dil de ke ḳhalish lenā

ye bhī koī hasrat hai ye bhī koī armāñ hai

naz-e-but-e-mahwash par qurban dil-o-jaan hai

ye shan-e-KHuda KHuda-e-shahid-e-ghaarat-gar-e-iman hai

jo baat bhi hai pyari jo chaal bhi hai achchhi

aan us ki nahin maKHfi shan us ki numayan hai

hamrah chalun us ke kuchh baat karun us se

muddat se ye hasrat hai muddat se ye arman hai

wo mujh ko dikhate hain har aan naya jalwa

mere liye har jalwa sarmaya-e-ehsan hai

girdab-e-hawadis mein KHush hun ki meri kashti

na-dida-e-sahil hai parwarda-e-tufan hai

hansta hua aaya hai hans hans ke rulaega

wo ahd-shikan phir ab aamada-e-paiman hai

'manzur' use dil dena dil de ke KHalish lena

ye bhi koi hasrat hai ye bhi koi arman hai