naz ka mara hua hun main ada ki saugand

naaz kā maarā huā huuñ maiñ adā kī saugand

kushta-e-jaur-o-jafā huuñ maiñ vafā kī saugand

ḳhvāh kāfir mujhe kah ḳhvāh musalmān ai shaiḳh

but ke hāthoñ meñ bikāyā huuñ ḳhudā kī saugand

kuchh ḳhabar rāh-e-fanā kī bhī rakhe hai ham se

kah de ai ḳhizr tujhe āb-e-baqā kī saugand

yaar se ḳhvārī-o-rusvā.ī hameñ behtar hai

ġhair kī izzat-o-hurmat se vafā kī saugand

sham.a kī raushnī sar kaTne se hotī hai do-chand

dard hī se mujhe hāsil hai davā kī saugand

us kī gar jaan se matlab nahīñ tujh ko ai miyāñ

chhūTe kyuuñ khātā hai har dam tū 'razā' kī saugand

naz ka mara hua hun main ada ki saugand

kushta-e-jaur-o-jafa hun main wafa ki saugand

KHwah kafir mujhe kah KHwah musalman ai shaiKH

but ke hathon mein bikaya hun KHuda ki saugand

kuchh KHabar rah-e-fana ki bhi rakhe hai hum se

kah de ai KHizr tujhe aab-e-baqa ki saugand

yar se KHwari-o-ruswai hamein behtar hai

ghair ki izzat-o-hurmat se wafa ki saugand

shama ki raushni sar kaTne se hoti hai do-chand

dard hi se mujhe hasil hai dawa ki saugand

us ki gar jaan se matlab nahin tujh ko ai miyan

chhuTe kyun khata hai har dam tu 'raza' ki saugand