naz kar naz ki ye naz juda hai sab se

naaz kar naaz ki ye naaz judā hai sab se

merā lahja mirī āvāz judā hai sab se

juz mohabbat kise ma.alūm ki vo chashm-e-hayā

baat to kartī hai andāz judā hai sab se

jis ko bhī maar diyā zinda-e-jāved kiyā

harf-e-haq terā ye e.ajāz judā hai sab se

dekhnā kaun hai kyā us ko nahīñ jān-e-azīz

sar-e-darbār ik āvāz judā hai sab se

TuuT jaatā hai to sur aur bhī lau dete haiñ

dil jise kahte haiñ vo saaz judā hai sab se

soch kar daam bichhānā zarā ai mauj-e-havā

mere inkār kī parvāz judā hai sab se

nashsha-e-dahr-o-qayāmat kā to kyā zikr 'umīd'

vo mirā sarv-e-sar-afrāz judā hai sab se

naz kar naz ki ye naz juda hai sab se

mera lahja meri aawaz juda hai sab se

juz mohabbat kise malum ki wo chashm-e-haya

baat to karti hai andaz juda hai sab se

jis ko bhi mar diya zinda-e-jawed kiya

harf-e-haq tera ye eajaz juda hai sab se

dekhna kaun hai kya us ko nahin jaan-e-aziz

sar-e-darbar ek aawaz juda hai sab se

TuT jata hai to sur aur bhi lau dete hain

dil jise kahte hain wo saz juda hai sab se

soch kar dam bichhana zara ai mauj-e-hawa

mere inkar ki parwaz juda hai sab se

nashsha-e-dahr-o-qayamat ka to kya zikr 'umid'

wo mera sarw-e-sar-afraaz juda hai sab se