nāzil huā thā shahr meñ kaalā azaab ek
ġhārat-gar-e-nasīb thā ḳhāna-ḳharāb ek
sāñseñ sisaktī rah ga.iiñ dīvār-o-dar ke biich
barpā huā thā chhat pe nayā inqalāb ek
merā safar thā jism ke bāhar falak kī samt
utrā thā merī qabr pe jab āftāb ek
mere liye bahut thī ḳhizāñ-dīda raushnī
us kī pasand laakh mirā intiḳhāb ek
arz-o-samā se koī ta.alluq na rābta
raas aa gayā hai mujh ko safar lā-javāb ek
shahr-e-ġhazal meñ jauhar-e-nāyāb fan 'alīm'
haiñ saiñkaḌoñ janāb meñ ālī-janāb ek
nazil hua tha shahr mein kala azab ek
ghaarat-gar-e-nasib tha KHana-KHarab ek
sansen sisakti rah gain diwar-o-dar ke bich
barpa hua tha chhat pe naya inqalab ek
mera safar tha jism ke bahar falak ki samt
utra tha meri qabr pe jab aaftab ek
mere liye bahut thi KHizan-dida raushni
us ki pasand lakh mera intiKHab ek
arz-o-sama se koi talluq na rabta
ras aa gaya hai mujh ko safar la-jawab ek
shahr-e-ghazal mein jauhar-e-nayab fan 'alim'
hain sainkaDon janab mein aali-janab ek
Additional information available
Click on the INTERESTING button to view additional information associated with this sher.
rare Unpublished content
This ghazal contains ashaar not published in the public domain. These are marked by a red line on the left.