nae baras bhi jo mela lagaya jaana hai

na.e baras bhī jo melā lagāyā jaanā hai

ga.e dinoñ ko hī is meñ bulāyā jaanā hai

purāne ghar ko nayā gar banāyā jaanā hai

zarūratan use pahle girāyā jaanā hai

mujhe pata hai ki pahle hañsāyā jaanā hai

aur us ke baad bahut hī rulāyā jaanā hai

jahāñ pe jaanā mire bas kī baat hai hī nahīñ

maiñ jāntā huuñ vahīñ par bulāyā jaanā hai

baḌe hī shauq se baiThā huā huuñ mahfil meñ

zarūr mujh ko yahāñ se uThāyā jaanā hai

bhaTak rahe haiñ jo kuchh log aate jaate hue

unheñ bhī rāsta āḳhir dikhāyā jaanā hai

adheḌ umr ke nisyāñ kā mas.ala hai yahī

vo yaad aatā hai jis ko bhulāyā jaanā hai

nae baras bhi jo mela lagaya jaana hai

gae dinon ko hi is mein bulaya jaana hai

purane ghar ko naya gar banaya jaana hai

zaruratan use pahle giraya jaana hai

mujhe pata hai ki pahle hansaya jaana hai

aur us ke baad bahut hi rulaya jaana hai

jahan pe jaana mere bas ki baat hai hi nahin

main jaanta hun wahin par bulaya jaana hai

baDe hi shauq se baiTha hua hun mahfil mein

zarur mujh ko yahan se uThaya jaana hai

bhaTak rahe hain jo kuchh log aate jate hue

unhen bhi rasta aaKHir dikhaya jaana hai

adheD umr ke nisyan ka masala hai yahi

wo yaad aata hai jis ko bhulaya jaana hai