aaj ik aur baras biit gayā us ke baġhair

jis ke hote hue hote the zamāne mere

CANCEL DOWNLOAD SHER

nae Dhab ka kuchh josh-e-sauda hua hai

Naseem Dehlvi

nae Dhab ka kuchh josh-e-sauda hua hai

Naseem Dehlvi

MORE BYNaseem Dehlvi

    na.e Dhab kuchh josh-e-saudā huā hai

    ḳhudā jaane ab ke mujhe kyā huā hai

    ta.alluq un āñkhoñ se paidā huā hai

    bahut din ye ḳhvāb dekhā huā hai

    na aalam meñ tujh na mujh jahāñ meñ

    na aisā huā hai na vaisā huā hai

    na le qais aage mire nām-e-vahshat

    abhī kal hai baat paidā huā hai

    phir uThtā hai dūd-e-mohabbat jigar se

    vahī haal aglā merā huā hai

    ye ghar-bār hai dīda-e-ashk-za se

    mirā dāman āġhosh-e-dariyā huā hai

    vo vādī-e-aiman pe mauqūf kyā hai

    hamārā har ik dasht dekhā huā hai

    zarā dam to lene de ai chashm-e-jādū

    baḌī muddatoñ meñ dil achchhā huā hai

    kahā maiñ ne tanhā.ī hai baat sun lo

    kahā hañs ke tum ko to saudā huā hai

    taraqqī pe hai naujavānī tumhārī

    abhī kyā huā hai abhī kyā huā hai

    hijāb-e-nazar se khule bhed dil ke

    abas ham se zāhir meñ pardā huā hai

    hamārī tumhārī to haiñ dil bāteñ

    na maano agar us charchā huā hai

    na ghabrāo jaanā ajī ham bhī samjhe

    kahīñ aur bhī aaj va.ada huā hai

    na māneñge ham aaj to le chaleñge

    bahut roz imroz fardā huā hai

    agar tum bhī dekho to rone lagoge

    mirī jaan ye haal apnā huā hai

    'nasīm' ab kahāñ qadr-dān-e-suḳhan haiñ

    kahe sher ye bhī jo charchā huā hai

    nae Dhab ka kuchh josh-e-sauda hua hai

    KHuda jaane ab ke mujhe kya hua hai

    talluq un aankhon se paida hua hai

    bahut din ka ye KHwab dekha hua hai

    na aalam mein tujh sa na mujh sa jahan mein

    na aisa hua hai na waisa hua hai

    na le qais aage mere nam-e-wahshat

    abhi kal ki hai baat paida hua hai

    phir uThta hai dud-e-mohabbat jigar se

    wahi haal agla sa mera hua hai

    ye ghar-bar hai dida-e-ashk-za se

    mera daman aaghosh-e-dariya hua hai

    wo wadi-e-aiman pe mauquf kya hai

    hamara har ek dasht dekha hua hai

    zara dam to lene de ai chashm-e-jadu

    baDi muddaton mein dil achchha hua hai

    kaha main ne tanhai hai baat sun lo

    kaha hans ke tum ko to sauda hua hai

    taraqqi pe hai naujawani tumhaari

    abhi kya hua hai abhi kya hua hai

    hijab-e-nazar se khule bhed dil ke

    abas hum se zahir mein parda hua hai

    hamari tumhaari to hain dil ki baaten

    na mano agar us ka charcha hua hai

    na ghabrao jaana aji hum bhi samjhe

    kahin aur bhi aaj wada hua hai

    na manenge hum aaj to le chalenge

    bahut roz imroz farda hua hai

    agar tum bhi dekho to rone lagoge

    meri jaan ye haal apna hua hai

    'nasim' ab kahan qadr-dan-e-suKHan hain

    kahe sher ye bhi jo charcha hua hai

    Source:

    Kulliyat-e-Naseem (Pg. 414)

    • Author: Naseem Dehlvi
      • Edition: 1966
      • Publisher: Syed Imtiyaz Ali Taj, Majlis-e-Taraqqi-e-Adab, Lahore
      • Year of Publication: 1966
    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY

    Jashn-e-Rekhta | 8-9-10 December 2023 - Major Dhyan Chand National Stadium, Near India Gate - New Delhi

    GET YOUR PASS
    Speak Now