nae makan mein aqide ki koi ja hi nahin

na.e makāñ meñ aqīde kī koī jā hī nahīñ

ḳhudā to hai pa kahīñ banda-e-ḳhudā hī nahīñ

bharosa yuuñ to bahut thā magar duā ke liye

jo haath ham ne uThāyā to vo uThā hī nahīñ

har ek shaḳhs yahāñ apne-āp meñ gum hai

kisī se haath milāne kā fā.eda hī nahīñ

lahū-luhān hai jo bhī udhar se aayā hai

magar ye maiñ ki jo us raah tak gayā hī nahīñ

dayār-e-ḳhvāb hai aao yahīñ qayām kareñ

yahāñ se yuuñ bhī nikalne kā rāsta hī nahīñ

nae makan mein aqide ki koi ja hi nahin

KHuda to hai pa kahin banda-e-KHuda hi nahin

bharosa yun to bahut tha magar dua ke liye

jo hath hum ne uThaya to wo uTha hi nahin

har ek shaKHs yahan apne-ap mein gum hai

kisi se hath milane ka faeda hi nahin

lahu-luhan hai jo bhi udhar se aaya hai

magar ye main ki jo us rah tak gaya hi nahin

dayar-e-KHwab hai aao yahin qayam karen

yahan se yun bhi nikalne ka rasta hi nahin